Ration Card e-KYC: ರೇಷನ್ ಕಾರ್ಡುದಾರರಿಗೆ ಸರ್ಕಾರದ ಮಹತ್ವದ ಸೂಚನೆ. ಕಾರ್ಡ್’ಲ್ಲಿ ಹೆಸರು ಹೊಂದಿರುವ ಪ್ರತಿಯೊಬ್ಬರೂ e-KYC ಮಾಡುವುದು ಅಗತ್ಯ. ಮನೆಯಲ್ಲೇ ಮೊಬೈಲ್ ಮೂಲಕ e-KYC ಮಾಡುವ ವಿಧಾನ, ಅಗತ್ಯ ದಾಖಲೆಗಳು ಮತ್ತು ಎಚ್ಚರಿಕೆಗಳ ಮಾಹಿತಿ ಇಲ್ಲಿದೆ…
ರೇಷನ್ ಕಾರ್ಡ್ (Ration Card) ಇದ್ದವರಿಗೆಲ್ಲ ಸರ್ಕಾರ ಈಗೊಂದು ಮಹತ್ವದ ಕೆಲಸ ಕೊಟ್ಟಿದೆ. ಕೇಂದ್ರ ಸರ್ಕಾರದ ಸಲಹೆಯಂತೆ ಇದೇ ಸೆಪ್ಟೆಂಬರ್ 30ರೊಳಗೆ ರೇಷನ್ ಕಾರ್ಡ್ ಹೊಂದಿರುವ ಪ್ರತಿಯೊಬ್ಬರೂ ಇ-ಕೆವೈಸಿ (Ration Card e-KYC) ಮಾಡಿಕೊಳ್ಳಬೇಕಿದೆ. ಐದು ವರ್ಷಗಳ ನಂತರ ಬರೋಬ್ಬರಿ 2.65 ಕೋಟಿ ಕಾರ್ಡುಗಳ ಕೆವೈಸಿ ಮಾಡಲಾಗುತ್ತಿದೆ ಎಂದು ನೂತನ ಆಹಾರ ಸಚಿವ ರಿಜ್ವಾನ್ ಅರ್ಷದ್ (Rizwan Arshad) ಹೇಳಿದ್ದಾರೆ.
ಹಾಗಂತ ಇದೇನಪ್ಪಾ ಹೊಸ ತಲೆನೋವು, ಸೇವಾ ಕೇಂದ್ರಗಳಿಗೆ ಹೋಗಿ ಕ್ಯೂ ನಿಲ್ಲಬೇಕಲ್ಲಾ ಅಂತ ಚಿಂತೆ ಮಾಡಬೇಡಿ. ನಿಮ್ಮ ಕೈಯಲ್ಲಿರುವ ಸ್ಮಾರ್ಟ್ಫೋನ್ ಬಳಸಿಕೊಂಡು, ಮನೆಯಲ್ಲೇ ಕೂತು ಬಹಳ ಸುಲಭವಾಗಿ ಇದನ್ನು ಹೇಗೆ ಮುಗಿಸಬಹುದು ಅಂತ ನಾನು ನಿಮಗೆ ಸರಳವಾಗಿ ವಿವರಿಸುತ್ತೇನೆ.
ಇ-ಕೆವೈಸಿ ಅಂದರೆ ಏನು? ಇದು ಯಾಕೆ ಕಡ್ಡಾಯ?
ಸರ್ಕಾರ ಕೊಡುವ ಪಡಿತರ ನಿಜವಾದ ಜನರಿಗೆ, ಅಂದರೆ ನಿಮಗೆ ತಲುಪಬೇಕು ಅನ್ನೋದೇ ಇದರ ಮುಖ್ಯ ಉದ್ದೇಶ. ನಿಮ್ಮ ರೇಷನ್ ಕಾರ್ಡ್’ಲ್ಲಿ ಎಷ್ಟು ಜನರಿದ್ದಾರೋ, ಅವರೆಲ್ಲರೂ ಡಿಜಿಟಲ್ ಆಗಿ ತಮ್ಮ ಮುಖವನ್ನು ದೃಢೀಕರಿಸುವುದೇ ಈ ಇ-ಕೆವೈಸಿ ಪ್ರಕ್ರಿಯೆ.
ಇದನ್ನೂ ಓದಿ: Karmikara Makkalige Scholarship 2026: ಕಾರ್ಮಿಕರ ಮಕ್ಕಳಿಗೆ ₹25,000 ವರೆಗೆ ವಿದ್ಯಾರ್ಥಿವೇತನ | ಆನ್ಲೈನ್ ಅರ್ಜಿ ಆಹ್ವಾನ
ಒಂದು ವೇಳೆ ನೀವು ಇದನ್ನು ಮಾಡಲಿಲ್ಲ ಅಂದರೆ, ಮುಂದೆ ನಿಮ್ಮ ಕಾರ್ಡ್ ರದ್ದಾಗಬಹುದು ಅಥವಾ ನಿಮಗೆ ಸಿಗುವ ರೇಷನ್ ನಿಂತುಹೋಗಬಹುದು.
ಎಪಿಎಲ್, ಬಿಪಿಎಲ್ ಅಥವಾ ಅಂತ್ಯೋದಯ – ಹೀಗೆ ನಿಮ್ಮ ಬಳಿ ಯಾವುದೇ ಕಾರ್ಡ್ ಇದ್ದರೂ, ಮನೆಯ ಪ್ರತಿಯೊಬ್ಬ ಸದಸ್ಯರೂ ಪ್ರತ್ಯೇಕವಾಗಿ ಮುಖವನ್ನು ಸ್ಕ್ಯಾನ್ ಮಾಡುವುದು ಕಡ್ಡಾಯ. ಕೇವಲ ಮನೆಯ ಯಜಮಾನಿ ಮಾಡಿದರೆ ಸಾಲದು.
ಮೊಬೈಲ್ನಲ್ಲಿ ಇ-ಕೆವೈಸಿ ಮಾಡುವ ಸುಲಭ ಹಂತಗಳು
ಇದಕ್ಕಾಗಿ ನೀವು ರಜೆ ಹಾಕಿ ಅಲೆಯುವ ಅವಶ್ಯಕತೆ ಇಲ್ಲ. ನಿಮ್ಮ ಮೊಬೈಲ್ನಲ್ಲಿ ಇಂಟರ್ನೆಟ್ ಹಾಗೂ ಆಧಾರ್ಗೆ ಲಿಂಕ್ ಆಗಿರುವ ನಂಬರ್ ಇದ್ದರೆ ಸಾಕು.
ನಿಮ್ಮ ಮೊಬೈಲ್ನ ಪ್ಲೇ-ಸ್ಟೋರ್ಗೆ ಹೋಗಿ Mera eKYC (ಮೇರಾ ರೇಷನ್) ಹಾಗೂ Aadhaar FaceRD ಎಂಬ ಎರಡು ಆ್ಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳಿ. ಮುಖ ಸ್ಕ್ಯಾನ್ ಮಾಡಲು ಇವೆರಡೂ ಬೇಕೇ ಬೇಕು.
ಮೊದಲು Mera eKYC ಆ್ಯಪ್ ತೆರೆಯಿರಿ. ನಿಮ್ಮ ಭಾಷೆ ಮತ್ತು ರಾಜ್ಯ ‘ಕರ್ನಾಟಕ’ ಆಯ್ಕೆ ಮಾಡಿ, ನಿಮ್ಮ ರೇಷನ್ ಕಾರ್ಡ್ ನಂಬರ್ ಹಾಕಿ ಸರ್ಚ್ ಕೊಡಿ.
ಆಗ ನಿಮ್ಮ ಮನೆಯವರ ಎಲ್ಲರ ಹೆಸರು ಸ್ಕ್ರೀನ್ ಮೇಲೆ ಬರುತ್ತದೆ. ಯಾರ ಇ-ಕೆವೈಸಿ ಮಾಡಬೇಕೋ ಅವರ ಹೆಸರಿನ ಮೇಲಿರುವ Face Authentication ಆಯ್ಕೆ ಒತ್ತಿ.
ಕೂಡಲೇ ಕ್ಯಾಮೆರಾ ಓಪನ್ ಆಗುತ್ತದೆ. ಕ್ಯಾಮೆರಾ ಮುಂದೆ ಮುಖವನ್ನು ನೇರವಾಗಿ ಹಿಡಿಯಿರಿ. ಸ್ಕ್ಯಾನ್ ಆದ ತಕ್ಷಣ ‘eKYC Successful’ ಅಂತ ಮೆಸೇಜ್ ಬರುತ್ತದೆ. ಹೀಗೆಯೇ ಕಾರ್ಡ್ನಲ್ಲಿರುವ ಉಳಿದ ಸದಸ್ಯರಿಗೂ ಪ್ರತ್ಯೇಕವಾಗಿ ಮಾಡಿ.
ಇದನ್ನೂ ಓದಿ: SBI Loan Interest Rate Cut- ಎಸ್ಬಿಐ ಬ್ಯಾಂಕಿನಲ್ಲಿ ಅತೀ ಕಡಿಮೆ ಬಡ್ಡಿ ಸಾಲ ಸೌಲಭ್ಯ | ಹೊಸ ಬಡ್ಡಿದರಗಳ ಮಾಹಿತಿ ಇಲ್ಲಿದೆ…
ಸ್ಕ್ಯಾನಿಂಗ್ ಫೇಲ್ ಆದರೆ ಏನು ಮಾಡೋದು?
ಕೆಲವೊಮ್ಮೆ ಕ್ಯಾಮೆರಾ ನಿಮ್ಮ ಮುಖವನ್ನು ಸರಿಯಾಗಿ ಗುರುತಿಸುವುದಿಲ್ಲ. ಆಗೆಲ್ಲಾ ಗಾಬರಿಯಾಗಬೇಡಿ. ಸಣ್ಣಪುಟ್ಟ ತಪ್ಪುಗಳನ್ನು ಸರಿಪಡಿಸಿಕೊಂಡರೆ ಸಾಕು:
ನೀವು ನಿಂತಿರುವಲ್ಲಿ ಮುಖದ ಮೇಲೆ ಸಾಕಷ್ಟು ಬೆಳಕು ಬೀಳುತ್ತಿದೆಯಾ ಅಂತ ಖಚಿತಪಡಿಸಿಕೊಳ್ಳಿ. ಕಣ್ಣಿಗೆ ಸನ್ಗ್ಲಾಸ್ ಅಥವಾ ತಲೆಗೆ ಟೋಪಿ ಹಾಕಿದ್ದರೆ ತೆಗೆಯಿರಿ. ಕ್ಯಾಮೆರಾ ಲೆನ್ಸ್ ಮೇಲೆ ಧೂಳಿದ್ದರೆ ಒರೆಸಿಕೊಂಡು ಮತ್ತೆ ಪ್ರಯತ್ನಿಸಿ.
ಒಂದು ಸಣ್ಣ ಎಚ್ಚರಿಕೆ ಹಾಗೂ ಸಹಾಯವಾಣಿ
ಇದೆಲ್ಲದರ ಮಧ್ಯೆ ಸೈಬರ್ ವಂಚಕರ ಬಗ್ಗೆ ನಿಮಗೆ ಎಚ್ಚರ ಇರಲಿ. ‘ನಾವು ರೇಷನ್ ಆಫೀಸ್ನಿಂದ ಕರೆ ಮಾಡ್ತಿದೀವಿ, ನಿಮ್ಮ ಓಟಿಪಿ ಹೇಳಿ’ ಅಂತ ಯಾರಾದರೂ ಕೇಳಿದರೆ, ದಯವಿಟ್ಟು ಯಾರಿಗೂ ಕೊಡಬೇಡಿ. ಓಟಿಪಿಯನ್ನು ಅಧಿಕೃತ ಆ್ಯಪ್ನಲ್ಲಿ ನೀವೇ ಖುದ್ದಾಗಿ ಹಾಕಬೇಕು.
ಎಲ್ಲಾ ಪ್ರಯತ್ನ ಪಟ್ಟರೂ ತಾಂತ್ರಿಕ ಸಮಸ್ಯೆಯಿಂದ ಮೊಬೈಲ್ನಲ್ಲಿ ಇ-ಕೆವೈಸಿ ಆಗ್ತಿಲ್ಲ ಅಂದರೆ, ನಿಮ್ಮ ಹತ್ತಿರದ ನ್ಯಾಯಬೆಲೆ ಅಂಗಡಿಗೆ (ರೇಷನ್ ಅಂಗಡಿ) ಭೇಟಿ ನೀಡಿ. ಅಥವಾ ಹೆಚ್ಚಿನ ಮಾಹಿತಿಗಾಗಿ ಸರ್ಕಾರದ ಸಹಾಯವಾಣಿ 1967ಗೆ ಕರೆ ಮಾಡಿ.
Gruhalakshmi Beneficiaries Reverification: ಗೃಹಲಕ್ಷ್ಮಿ ಹಣ ಪಡೆಯುವವರಿಗೆ ಮಹತ್ವದ ಸೂಚನೆ | ಸಿಎಂ ಸ್ಪಷ್ಟನೆ
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.