ರಾಜ್ಯದ ಲಕ್ಷಾಂತರ ವಿದ್ಯಾರ್ಥಿಗಳು ಉತ್ಸುಕತೆಯಿಂದ ನಿರೀಕ್ಷಿಸಿದ್ದ 2025ನೇ ಸಾಲಿನ ಸಾಮಾನ್ಯ ಪ್ರವೇಶ ಪರೀಕ್ಷೆಯ (UGCET) ಫಲಿತಾಂಶವನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA) ಇಂದು ಪ್ರಕಟಿಸಲಿದೆ…
ಇಂದು ಮೇ 24ರ ಬೆಳಿಗ್ಗೆ 11:30ಕ್ಕೆ ಉನ್ನತ ಶಿಕ್ಷಣ ಸಚಿವ ಡಾ. ಎಂ.ಸಿ. ಸುಧಾಕರ್ ಅವರು ಕೆಇಎ ಕಚೇರಿಯಲ್ಲಿ ಸಿಇಟಿ ಫಲಿತಾಂಶವನ್ನು ಅಧಿಕೃತವಾಗಿ ಪ್ರಕಟಿಸಲಿದ್ದಾರೆ ಎಂದು ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್. ಪ್ರಸನ್ನ ತಿಳಿಸಿದ್ದಾರೆ.
ಫಲಿತಾಂಶ ಪ್ರಕಟ ನಂತರ ವಿದ್ಯಾರ್ಥಿಗಳು ಈ ವರ್ಷದ ಸಿಇಟಿ ಫಲಿತಾಂಶವನ್ನು ಮಧ್ಯಾಹ್ನ 2 ಗಂಟೆಯ ನಂತರ ಕೆಳಕಂಡ ಅಧಿಕೃತ ವೆಬ್‌ಸೈಟ್‌ಗಳಲ್ಲಿ ಪರಿಶೀಲಿಸಬಹುದಾಗಿದೆ:
- https://cctonline.Karnataka.gov.in/ugcetrank2025/
- cheekresult.aspx
- https://karresults.nic.in/
ಈ ವೆಬ್‌ಸೈಟ್‌ನಲ್ಲಿ ವಿದ್ಯಾರ್ಥಿಗಳು ತಮ್ಮ ನೋಂದಣಿ ಸಂಖ್ಯೆ ಮತ್ತು ಜನ್ಮತಾರೀಖು ಬಳಸಿ ತಮ್ಮ ವೈಯಕ್ತಿಕ ಫಲಿತಾಂಶ, ಶ್ರೇಣೀಕ್ರಮ ಹಾಗೂ ಪಿಯುಸಿ ಮತ್ತು ಸಿಇಟಿ ಅಂಕಗಳ ಸಮಗ್ರ ಮಾಹಿತಿ ಪಡೆಯಬಹುದು.
KCET Result 2025- ಕೆಸಿಇಟಿ-2025 ಫಲಿತಾಂಶ ಮೇ 24ರಂದು ಪ್ರಕಟ | ಮೊಬೈಲ್‌ನಲ್ಲೇ ರಿಸಲ್ಟ್ ನೋಡಿ…
ಫಲಿತಾಂಶವನ್ನು ಪರಿಶೀಲಿಸುವ ಸರಳ ಕ್ರಮ
- ಮೊದಲು ಮೇಲ್ಕಾಣಿಸಿದ ಯಾವುದಾದರೂ ಅಧಿಕೃತ ವೆಬ್‌ಸೈಟ್‌ಗೆ ಲಾಗಿನ್ ಆಗಿ.
- “UGCET 2025 Results” ಅಥವಾ “CET Result 2025” ಎಂಬ ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ನಿಮ್ಮ ಅಇಖಿ ನೋಂದಣಿ ಸಂಖ್ಯೆ (Application Number) ಹಾಗೂ ಜನ್ಮತಾರೀಖನ್ನು (Date of Birth) ಸರಿಯಾಗಿ ನಮೂದಿಸಿ.
- “Submit” ಬಟನ್ ಮೇಲೆ ಕ್ಲಿಕ್ ಮಾಡಿದ ತಕ್ಷಣ, ನಿಮ್ಮ ಫಲಿತಾಂಶದ ವಿವರಗಳು ತೋರಿಸಲಾಗುತ್ತದೆ.
- ಅದನ್ನು PDF ರೂಪದಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳಿ ಅಥವಾ ಪ್ರಿಂಟ್ ಔಟ್ ತೆಗೆದುಕೊಳ್ಳಿ.
ಫಲಿತಾಂಶ ಪ್ರಕಟವಾದ ನಂತರದ ಹಂತಗಳು
ಸಿಇಟಿ ಫಲಿತಾಂಶ ಪ್ರಕಟವಾದ ನಂತರ ವಿದ್ಯಾರ್ಥಿಗಳು ತಮ್ಮ ಮುಂದಿನ ಶಿಕ್ಷಣ ಪ್ರಗತಿಗಾಗಿ ಈ ಕೆಳಗಿನ ಹಂತಗಳನ್ನು ಅನುಸರಿಸಬೇಕಾಗುತ್ತದೆ:
1. ಅಂಕಗಳ ಪರಿಶೀಲನೆ ಮತ್ತು ತಿದ್ದುಪಡಿ ಅರ್ಜಿ: ಫಲಿತಾಂಶದಲ್ಲಿ ತಪ್ಪು ಅಂಕಗಳು ಅಥವಾ ಯಾವುದೇ ಅಸಮಾಧಾನಕರ ಅಂಶಗಳು ಕಂಡುಬಂದಲ್ಲಿ, ವಿದ್ಯಾರ್ಥಿಗಳು ತಿದ್ದುಪಡಿ ಅರ್ಜಿ ಸಲ್ಲಿಸಬಹುದು. ಇದಕ್ಕಾಗಿ ವಿಶೇಷವಾದ ಅಂತಿಮ ದಿನಾಂಕ ನಿಗದಿಪಡಿಸಲಾಗುತ್ತದೆ.
2. ಆಯ್ಕೆ ಪ್ರಕ್ರಿಯೆ (Option Entry): ಕೆಇಎ ಆಯ್ಕೆ (choice entry) ಪ್ರಕ್ರಿಯೆ ಆರಂಭಿಸಿ, ವಿದ್ಯಾರ್ಥಿಗಳಿಗೆ ಇಚ್ಛಿತ ಕೋರ್ಸ್’ಗಳು ಹಾಗೂ ಕಾಲೇಜುಗಳನ್ನು ಆಯ್ಕೆ ಮಾಡುವ ಅವಕಾಶ ನೀಡುತ್ತದೆ. ಈ ಹಂತದಲ್ಲಿ ಸರಿಯಾದ ಆದ್ಯತೆಯೊಂದಿಗೆ ಆಯ್ಕೆ ಮಾಡುವುದು ಬಹುಮುಖ್ಯವಾಗಿದೆ.
3. ಡಾಕ್ಯುಮೆಂಟ್ ವೇರಿಫಿಕೇಶನ್ (Document Verification): ವೈಯಕ್ತಿಕವಾಗಿ ಅಥವಾ ಕೆಲವೊಮ್ಮೆ ಆನ್‌ಲೈನ್ ಮೂಲಕ ವಿದ್ಯಾರ್ಥಿಗಳು ತಮ್ಮ ದಾಖಲೆಗಳನ್ನು ಪರಿಶೀಲಿಸಲು ಹಾಜರಾಗಬೇಕಾಗುತ್ತದೆ. ಈ ಹಂತದಲ್ಲಿ ಕೆಳಗಿನ ದಾಖಲೆಗಳು ಅಗತ್ಯವಿರುತ್ತವೆ:
- ಪಿಯುಸಿ ಅಂಕಪಟ್ಟಿ (2ನೇ ಪಿಯುಸಿ)
- ಸಿಇಟಿ ಹಾಲ್ ಟಿಕೆಟ್
- ಆದಾರ್ ಕಾರ್ಡ್
- ಜಾತಿ ಮತ್ತು ಆದಾಯ ಪ್ರಮಾಣಪತ್ರ (ಅರ್ಹತೆಯಿದ್ದಲ್ಲಿ)
- ರೇಶನ್ ಕಾರ್ಡ್ ಅಥವಾ ವಿಳಾಸ ದೃಢೀಕರಣ ಪತ್ರ
4. ಕೌನ್ಸೆಲಿಂಗ್ ಮತ್ತು ಸೀಟ್ ಹಂಚಿಕೆ: ವಿದ್ಯಾರ್ಥಿಗಳ ಆಯ್ಕೆ ಮಾಡಿದ ಆಯ್ಕೆಗಳ ಆಧಾರದ ಮೇಲೆ, ಸೀಟು ಹಂಚಿಕೆ ಪ್ರಕ್ರಿಯೆ ನಡೆಯುತ್ತದೆ. ಈ ಪ್ರಕ್ರಿಯೆ ಹಲವು ಹಂತಗಳಲ್ಲಿ ನಡೆಯುತ್ತಿದ್ದು, ಪ್ರತಿ ಹಂತದ ನಂತರ ನಿಗದಿತ ಸಮಯಕ್ಕೆ ಹೊಸ ಆಯ್ಕೆಗಳು ಮತ್ತು ಸೀಟ್ ಸ್ವೀಕೃತಿ ಅಥವಾ ನಿರಾಕರಣೆ ಆಯ್ಕೆಗಳು ಲಭ್ಯವಿರುತ್ತವೆ.
ಕೌನ್ಸೆಲಿಂಗ್ ಸಂಬಂಧಿತ ಪ್ರಮುಖ ಅಂಶಗಳು
- ಸೀಟ್ ಅನ್ನು ಒಪ್ಪಿಕೊಂಡ ನಂತರ ಟುಷನ್ ಫೀ ಪಾವತಿಸಿ, ತಾತ್ಕಾಲಿಕ ಪ್ರವೇಶ ಪತ್ರ (Provisional Allotment Letter) ಪಡೆಯಬೇಕು.
- ಪ್ರತಿ ಹಂತದ ನಂತರ ಸೀಟ್‌ಗಳನ್ನು ಸ್ಟೇಟಸ್ ಅಪ್‌ಡೇಟ್ ಮಾಡಲಾಗುತ್ತದೆ. ಆದ್ದರಿಂದ ನಿಯಮಿತವಾಗಿ ವೆಬ್‌ಸೈಟ್ ಪರಿಶೀಲನೆ ಅಗತ್ಯ.
- ಸರ್ಕಾರದ ನಿಯಮಾನುಸಾರ ಮೀಸಲಾತಿ (Reservation) ನಿಯಮಗಳು ಅನ್ವಯಿಸಲಾಗುತ್ತವೆ.
ಮಹತ್ವದ ದಿನಾಂಕಗಳು
- ಫಲಿತಾಂಶ ಪ್ರಕಟ: ಮೇ 24, 2025
- ಆಯ್ಕೆ ಪ್ರಕ್ರಿಯೆ ಪ್ರಾರಂಭ: ಮೇ 27, 2025
- ಡಾಕ್ಯುಮೆಂಟ್ ಪರಿಶೀಲನೆ: ಜೂನ್ 1 ರಿಂದ
- ಮೊದಲ ಹಂತದ ಸೀಟ್ ಹಂಚಿಕೆ: ಜೂನ್ 15, 2025
- ಕೊನೆ ಹಂತದ ಪ್ರವೇಶ ದಿನಾಂಕ: ಜುಲೈ ಅಂತ್ಯದ ಒಳಗಾಗಿ
ವಿದ್ಯಾರ್ಥಿಗಳು ಮತ್ತು ಪೋಷಕರು, ಫಲಿತಾಂಶ ಪ್ರಕಟವಾದ ತಕ್ಷಣವೇ ಯಾವುದೇ ಆತುರ ಅಥವಾ ಭಯವಿಲ್ಲದೆ ಪ್ರಕ್ರಿಯೆ ಮುಂದುವರೆಸುವುದು ಅತ್ಯಗತ್ಯ. ಎಲ್ಲಾ ಹಂತಗಳನ್ನು ನಿಯಮಿತವಾಗಿ ಗಮನಿಸಿ ಮತ್ತು ಯಾವುದೇ ಸಂದೇಹಗಳಿದ್ದರೆ KEA ಸಹಾಯವಾಣಿ ಸಂಖ್ಯೆಗೆ ಸಂಪರ್ಕಿಸಿ…