ರಾಜ್ಯ ಸರ್ಕಾರಿ ನೌಕರರ ಸಾರ್ವತ್ರಿಕ ವರ್ಗಾವಣೆಗೆ ಕಾಲಾವಧಿ ಮುಕ್ತಾಯವಾಗಿದೆ. ಆದರೆ, ಬಹಳಷ್ಟು ನೌಕರರು ಈ ಅವಧಿ ವಿಸ್ತರಣೆಯನ್ನು (Govt Employees Transfer Extension) ನಿರೀಕ್ಷಿಸುತ್ತಿದ್ದು: ಈ ಕುರಿತ ಮಾಹಿತಿ ಇಲ್ಲಿದೆ…
2025-26ನೇ ಸಾಲಿನ ನೌಕರರ ಸಾರ್ವತ್ರಿಕ ವರ್ಗಾವಣೆಗೆ ರಾಜ್ಯ ಸರ್ಕಾರ ನಿಗದಿಪಡಿಸಿದ್ದ ಕಾಲಾವಧಿ (ಜೂನ್ 14) ಮುಕ್ತಾಯವಾಗಿದೆ. ಆದರೆ, ಇನ್ನೂ ಬಹಳಷ್ಟು ನೌಕರರು ವರ್ಗಾವಣೆ ಪ್ರಕ್ರಿಯೆಗಾಗಿ ಕಾದು ಕೂತಿದ್ದು; ಕಾಲಾವಧಿ ವಿಸ್ತರಣೆಯನ್ನು ಎದುರು ನೋಡುತ್ತಿದ್ದಾರೆ.
ಈ ಬಾರಿ 2025-26ನೇ ಸಾಲಿನ ನೌಕರರ ವರ್ಗಾವಣೆ ಪ್ರಕ್ರಿಯೆಗಾಗಿ ಮೇ 15 ರಿಂದ ಜೂನ್ 14ರ ತನಕ ಕಾಲಾವಧಿಯನ್ನು ಸರ್ಕಾರ ನಿಗದಿಪಡಿಸಿತ್ತು. ಆದರೆ, ಈ ಅವಧಿಯಲ್ಲಿ ಕೇವಲ ಶೇ.24-26 ಮಾತ್ರ ವರ್ಗಾವಣೆಯಾಗಿದ್ದು; ಬಹಳಷ್ಟು ನೌಕರರು ವರ್ಗಾವಣೆಗಾಗಿ ಎದುರು ನೋಡುತ್ತಿದ್ದಾರೆ.
ವರ್ಗಾವಣೆ ಪ್ರಕ್ರಿಯೆ ವಿಳಂಬಕ್ಕೆ ಪ್ರಮುಖ ಕಾರಣಗಳು
- ಹಲವಾರು ಇಲಾಖೆಗಳು ಕೊನೆಯ ಹಂತದಲ್ಲಿಯೇ ಪ್ರಕ್ರಿಯೆ ಪ್ರಾರಂಭಿಸಿದ್ದು, ಕೆಲವು ಖಾತೆಗಳಲ್ಲಿ ಇನ್ನೂ ಅಂತಿಮ ಪಟ್ಟಿಗಳ ತಯಾರಿ ನಡೆದಿಲ್ಲ.
- ಕೆಲವೆಡೆ ಸಚಿವರು ಅಂತಿಮ ಪಟ್ಟಿಗಳನ್ನು ತಮ್ಮ ಬಳಿಯೇ ಇಟ್ಟುಕೊಂಡಿರುವುದರಿಂದ ನೌಕರರಲ್ಲಿ ಅಸಮಾಧಾನ ವ್ಯಕ್ತವಾಗಿದೆ.
- ಹಲವು ಇಲಾಖೆಗಳು ಕೌನ್ಸೆಲಿಂಗ್ ಆಧಾರಿತ ವರ್ಗಾವಣೆ ಮಾಡುತ್ತಿದ್ದು, ಇದಕ್ಕೆ ತಾಂತ್ರಿಕ ಸಿದ್ಧತೆ ಮತ್ತು ಹೆಚ್ಚು ಸಮಯವನ್ನು ಬೇಕಾಗಿಸುತ್ತದೆ.
- ಕೆಲವು ಇಲಾಖೆಗಳು ಕಾರ್ಯಪಟು ನಿಯಮಗಳನ್ನು ಅನುಸರಿಸುತ್ತಿರುವುದರಿಂದ ಪ್ರಕ್ರಿಯೆ ವಿಳಂಬವಾಗಿದೆ.
- ಕೆಲವು ಖಾತೆಗಳಲ್ಲಿ ಕೌನ್ಸೆಲಿಂಗ್ ಆಧಾರಿತ ವರ್ಗಾವಣೆ ಪ್ರಕ್ರಿಯೆ ಅಸ್ತಿತ್ವದಲ್ಲಿದ್ದು, ಈ ಪ್ರಕ್ರಿಯೆ ಕೈಗೊಳ್ಳಲು ಸಾಕಷ್ಟು ಸಮಯ ಬೇಕು. ಆದರೆ, ಈ ಬಾರಿ ತಡವಾಗಿ ಆರಂಭವಾದ ಕಾರಣ, ನಿಗದಿತ ಅವಧಿಯಲ್ಲಿ ಪೂರ್ಣಗೊಳಿಸುವಲ್ಲಿ ವಿಫಲವಾಗಿದೆ.
- ಕೆಲವೊಂದು ಇಲಾಖೆಗಳಲ್ಲಿ ಕಾರ್ಯಾಚರಣಾ ನಿಯಮಗಳನ್ನು ಪಾಲಿಸಬೇಕಾದ ಕಾರಣದಿಂದ ಪ್ರಕ್ರಿಯೆ ಅಷ್ಟರ ಮಟ್ಟಿಗೆ ಮುಂದಿಲ್ಲದಿರುವುದು ಸಹ ಕಾರಣವಾಗಿದೆ.
ವರ್ಗಾವಣೆ ಕಾಲಾವಧಿ ವಿಸ್ತರಣೆ ಸಾಧ್ಯತೆ
ವರ್ಗಾವಣೆಗೆ ಅರ್ಜಿ ಸಲ್ಲಿಸಿರುವ ಸಾವಿರಾರು ನೌಕರರು ಇನ್ನೂ ನಿರೀಕ್ಷೆಯಲ್ಲಿದ್ದು, ಸರಿಯಾದ ಸಮಯದ ಕೊರತೆಯಿಂದಾಗಿ ತಮ್ಮ ವರ್ಗಾವಣೆ ಕುರಿತು ಸ್ಪಷ್ಟ ಯೋಜನೆ ರೂಪಿಸಿಕೊಳ್ಳಲಾಗದ ಸ್ಥಿತಿಯಲ್ಲಿದ್ದಾರೆ. ಹೀಗಾಗಿ, ಹಲವಾರು ಇಲಾಖೆಗಳು ಸರಿಯಾಗಿ ಪ್ರಕ್ರಿಯೆ ನಡೆಸಲು ಸಮಯ ಬೇಕೆಂದು ಸರ್ಕಾರದ ಬಳಿ ಕಾಲಾವಧಿ ವಿಸ್ತರಣೆಯ ಬೇಡಿಕೆ ಇಟ್ಟಿವೆ.
ಕಳೆದ ಕೆಲ ವರ್ಷಗಳಲ್ಲಿ ಸರ್ಕಾರವು ವರ್ಗಾವಣೆ ಅವಧಿಯನ್ನು ಕನಿಷ್ಠ ಎರಡು ಬಾರಿ ವಿಸ್ತರಿಸಿರುವ ಉದಾಹರಣೆಗಳಿವೆ. ಇದೇ ಮಾದರಿಯಲ್ಲಿ ಈ ವರ್ಷವೂ ವಿಸ್ತರಣೆ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಕಾಲಾವಧಿ ಎಲ್ಲಿಯ ವರೆಗೂ ವಿಸ್ತರಣೆಯಾಗಲಿದೆ?
ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆಯ ಮೂಲಗಳ ಪ್ರಕಾರ, ಜೂನ್ ಅಂತ್ಯ ಅಥವಾ ಜುಲೈ ಮೊದಲ ವಾರದ ವರೆಗೆ ವರ್ಗಾವಣೆ ಕಾಲಾವಧಿ ವಿಸ್ತರಣೆಯಾಗುವ ಸಾಧ್ಯತೆ ಇದೆ. ಆದರೆ, ವಿಸ್ತರಣೆ ಕುರಿತ ಅಧಿಕೃತವಾದ ಸರ್ಕಾರಿ ಆದೇಶ ಇನ್ನೂ ಪ್ರಕಟವಾಗಿಲ್ಲವಾದರೂ ಕಾಲಾವಧಿ ವಿಸ್ತರಣೆಯಾಗುವ ಸಂಭವ ಹೆಚ್ಚಿದೆ.
ವರ್ಗಾವಣೆಗೆ ಅರ್ಜಿ ಸಲ್ಲಿಸಿದ ನೌಕರರು ತಮ್ಮ ಇಲಾಖೆಯಿಂದ ಪ್ರತಿಸ್ಪಂದನೆ ನಿರೀಕ್ಷಿಸುತ್ತಿದ್ದಾರೆ. ಸರ್ಕಾರ ಸ್ಪಷ್ಟ ಸೂಚನೆ ನೀಡುವವರೆಗೂ ನೌಕರರಲ್ಲಿ ನಿರೀಕ್ಷೆ ಮುಂದುವರಿಯಲಿದೆ. ಕಾಲಾವಧಿ ವಿಸ್ತರಣೆಯಾಗುವ ಸಾಧ್ಯತೆಗಳು ಸಾಕಷ್ಟಿದ್ದು, ಈ ಕುರಿತು ಇಷ್ಟರಲ್ಲೇ ಅಧಿಕೃತ ಪ್ರಕಟಣೆ ಹೊರಬರಬಹುದು.
Old Pension Scheme Karnataka- ರಾಜ್ಯ ಸರಕಾರಿ ನೌಕರರಿಗೆ ಹಳೇ ಪಿಂಚಣಿ ಯೋಜನೆ ಜಾರಿ | ಸರ್ಕಾರದ ಮಹತ್ವದ ಸೂಚನೆ
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.