Zero Interest Crop Loan: 38 ಲಕ್ಷ ರೈತರಿಗೆ ಶೂನ್ಯ ಬಡ್ಡಿ ಕೃಷಿ ಸಾಲ ವಿತರಣೆ | ಈ ಸಾಲ ಪಡೆಯೋದು ಹೇಗೆ?

Zero Interest Crop Loan: 2026-27ರಲ್ಲಿ 38 ಲಕ್ಷ ರೈತರಿಗೆ ₹30 ಸಾವಿರ ಕೋಟಿ ಶೂನ್ಯ ಬಡ್ಡಿ ಕೃಷಿ ಸಾಲ ವಿತರಣೆ ಗುರಿ ಘೋಷಣೆ. ₹5 ಲಕ್ಷವರೆಗೆ ಬಡ್ಡಿ ಇಲ್ಲದ ಸಾಲ ಪಡೆಯುವುದು ಹೇಗೆ? ಸಂಪೂರ್ಣ ಮಾಹಿತಿ ಇಲ್ಲಿದೆ.

ರಾಜ್ಯದ ಆರ್ಥಿಕ ವ್ಯವಸ್ಥೆಯಲ್ಲಿ ಕೃಷಿ ಕ್ಷೇತ್ರವು ಅತ್ಯಂತ ಪ್ರಮುಖವಾದುದು. ರೈತರು ಉತ್ಪಾದಿಸುವ ಆಹಾರ ಧಾನ್ಯಗಳೇ ಸಮಾಜದ ಬದುಕಿಗೆ ಆಧಾರ. ಈ ಕಾರಣದಿಂದಲೇ ಸರ್ಕಾರಗಳು ಕಾಲಕಾಲಕ್ಕೆ ರೈತರಿಗೆ ವಿವಿಧ ರೀತಿಯ ನೆರವು ಹಾಗೂ ಪ್ರೋತ್ಸಾಹ ಕಾರ್ಯಕ್ರಮಗಳನ್ನು ಜಾರಿಗೆ ತರುತ್ತಿವೆ.

ಅದರಲ್ಲಿ ಪ್ರಮುಖವಾಗಿ ರೈತರಿಗೆ ಕಡಿಮೆ ಬಡ್ಡಿದರದಲ್ಲಿ ಅಥವಾ ಬಡ್ಡಿಯಿಲ್ಲದೆ ಸಾಲ (Agriculture Loan) ನೀಡುವ ಯೋಜನೆಗಳು ಪ್ರಮುಖವಾಗಿವೆ. ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರವು 2026-27ನೇ ಸಾಲಿನ ಬಜೆಟ್‌ನಲ್ಲಿ ರೈತರಿಗೆ ಮತ್ತೊಂದು ಮಹತ್ವದ ಘೋಷಣೆ ಮಾಡಿದೆ.

ಮುಂದಿನ ಆರ್ಥಿಕ ವರ್ಷದಲ್ಲಿ ಸುಮಾರು 38 ಲಕ್ಷ ರೈತರಿಗೆ ಶೂನ್ಯ ಬಡ್ಡಿದರದಲ್ಲಿ (Zero Interest Loan) 30 ಸಾವಿರ ಕೋಟಿ ರೂ. ಕೃಷಿ ಸಾಲ ವಿತರಿಸುವ ಗುರಿಯನ್ನು ಸರ್ಕಾರ ಪ್ರಕಟಿಸಿದೆ. ಈ ಯೋಜನೆಯು ರೈತರಿಗೆ ಕೃಷಿ ಚಟುವಟಿಕೆಗಳನ್ನು ಸುಗಮವಾಗಿ ನಡೆಸಲು ದೊಡ್ಡ ನೆರವಾಗಲಿದೆ.

ಇದನ್ನೂ ಓದಿ: Karnataka Budget 2026-27: 2026-27 ರಾಜ್ಯ ಬಜೆಟ್: ಸಂಪೂರ್ಣ ಪಿಡಿಎಫ್ ಕಾಪಿ ಬಿಡುಗಡೆ | ಡೈರೆಕ್ಟ್ ಡೌನ್‌ಲೋಡ್ ಲಿಂಕ್ ಇಲ್ಲಿದೆ…

ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ಕೃಷಿ ಸಾಲ

ರಾಜ್ಯ ಸರ್ಕಾರವು ರೈತರಿಗೆ ನೀಡುತ್ತಿರುವ ಸಾಲ ಸೌಲಭ್ಯ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿದೆ. ಇದರಿಂದ ಹೆಚ್ಚಿನ ರೈತರು ಕೃಷಿ ಹೂಡಿಕೆಗೆ ಬ್ಯಾಂಕುಗಳ ಮೇಲೆ ಅವಲಂಬಿಸಬಹುದು.

• 2024-25ನೇ ಸಾಲಿನಲ್ಲಿ ಸುಮಾರು 21.78 ಲಕ್ಷ ರೈತರಿಗೆ 18,960 ಕೋಟಿ ರೂ. ಸಾಲ ನೀಡಲಾಗಿತ್ತು.
• 2025-26ನೇ ಸಾಲಿನಲ್ಲಿ ಸರ್ಕಾರವು 37 ಲಕ್ಷ ರೈತರಿಗೆ 28,000 ಕೋಟಿ ರೂ. ಸಾಲ ವಿತರಿಸುವ ಗುರಿ ಇಟ್ಟಿತ್ತು.
• ಈ ಸಾಲಿನಲ್ಲಿ ಫೆಬ್ರವರಿ ತಿಂಗಳ ವರೆಗೆ 25 ಲಕ್ಷ ರೈತರಿಗೆ ಸುಮಾರು 22,000 ಕೋಟಿ ರೂ. ಕೃಷಿ ಸಾಲ ನೀಡಲಾಗಿದೆ.
• ಇದೀಗ 2026-27ನೇ ಸಾಲಿನಲ್ಲಿ 38 ಲಕ್ಷ ರೈತರಿಗೆ 30,000 ಕೋಟಿ ರೂ. ಸಾಲ ನೀಡುವ ಗುರಿಯನ್ನು ಸರ್ಕಾರ ಘೋಷಿಸಿದೆ.

ಇದು ರೈತರಿಗೆ ನೀಡಲಾಗುತ್ತಿರುವ ಸಾಲದ ಪ್ರಮಾಣ ನಿರಂತರವಾಗಿ ಹೆಚ್ಚುತ್ತಿರುವುದನ್ನು ತೋರಿಸುತ್ತದೆ. ಈ ಕ್ರಮವು ರೈತರಿಗೆ ಬೀಜ, ಗೊಬ್ಬರ, ಯಂತ್ರೋಪಕರಣಗಳು ಹಾಗೂ ಇತರ ಕೃಷಿ ವೆಚ್ಚಗಳನ್ನು ನಿರ್ವಹಿಸಲು ದೊಡ್ಡ ಮಟ್ಟದ ಸಹಾಯ ಮಾಡಲಿದೆ.

ಇದನ್ನೂ ಓದಿ: Karnataka Police Recruitment 2026: ರಾಜ್ಯದಲ್ಲಿ 8,176 ಪೊಲೀಸ್ ಹುದ್ದೆ ಭರ್ತಿ | 30 ದಿನದಲ್ಲಿ ನೇಮಕಾತಿ ಆರಂಭಕ್ಕೆ ಸರ್ಕಾರ ಆದೇಶ

ಸಹಕಾರಿ ಬ್ಯಾಂಕಿಂಗ್ ವ್ಯವಸ್ಥೆಗೆ ಉತ್ತೇಜನ

ರೈತರಿಗೆ ಸಾಲ ವಿತರಿಸುವಲ್ಲಿ ಸಹಕಾರಿ ಬ್ಯಾಂಕುಗಳ (Cooperative Banks) ಪಾತ್ರ ಮಹತ್ವದ್ದಾಗಿದೆ. ರೈತರಿಗೆ ಸರಳವಾಗಿ ಸಾಲ ದೊರಕಲು ಸಹಕಾರಿ ಬ್ಯಾಂಕುಗಳ ಬಲವರ್ಧನೆ ಅಗತ್ಯವಾಗಿದೆ.

ಈ ಹಿನ್ನೆಲೆಯಲ್ಲಿ ನಬಾರ್ಡ್ (NABARD) ನೀಡಿರುವ ಸಲಹೆಯಂತೆ ರಾಜ್ಯ ಸರ್ಕಾರವು ಪ್ರತಿ ಜಿಲ್ಲೆಯಲ್ಲಿ ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್ (District Cooperative Central Bank – DCC Bank) ಸ್ಥಾಪಿಸಲು ಯೋಜನೆ ರೂಪಿಸಿದೆ.

ಇದರಿಗಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಗೆ ಪ್ರಸ್ತಾವನೆ ಸಲ್ಲಿಸುವುದಾಗಿ ಸರ್ಕಾರ ಘೋಷಿಸಿದೆ. ಇದರ ಜೊತೆಗೆ ರಾಜ್ಯ ಉಗ್ರಾಣ ನಿಗಮದ ಬಳಕೆಯಾಗದ ಆಸ್ತಿಗಳನ್ನು ನಗದೀಕರಣ (Asset Monetization) ಮಾಡುವ ಯೋಜನೆಯೂ ಇದೆ.

ಇದನ್ನೂ ಓದಿ: Mobile Canteen Yojana 2026: ಮೊಬೈಲ್ ಕ್ಯಾಂಟೀನ್ ಆರಂಭಿಸಲು ₹5 ಲಕ್ಷ ಸಬ್ಸಿಡಿ | ನಿರುದ್ಯೋಗಿಗಳಿಗೆ ಸರ್ಕಾರದ ನೆರವು

ಏನಿದು ಶೂನ್ಯ ಬಡ್ಡಿ ಕೃಷಿ ಸಾಲ?

ರೈತರಿಗೆ ಸರ್ಕಾರ ನೀಡುತ್ತಿರುವ ಪ್ರಮುಖ ಯೋಜನೆಗಳಲ್ಲಿ ಶೂನ್ಯ ಬಡ್ಡಿ ಕೃಷಿ ಸಾಲ (Zero Interest Crop Loan) ಒಂದು.

ಈ ಯೋಜನೆಯ ಪ್ರಕಾರ ರೈತರಿಗೆ ನೀಡಲಾಗುವ ಸಾಲದ ಮೇಲೆ ಬಡ್ಡಿಯನ್ನು ಸರ್ಕಾರವೇ ಭರಿಸುತ್ತದೆ. ಅಂದರೆ ರೈತರು ಸಾಲದ ಮೂಲಧನವನ್ನು ಮಾತ್ರ ಮರುಪಾವತಿ ಮಾಡಿದರೆ ಸಾಕು.

ರಾಜ್ಯದಲ್ಲಿ ಈ ಯೋಜನೆ 2004ರಲ್ಲಿ ಆರಂಭಗೊಂಡಿತ್ತು. ಆರಂಭದಲ್ಲಿ ರೈತರಿಗೆ ಶೇಕಡಾ 3ರ ಬಡ್ಡಿದರದಲ್ಲಿ ಸಹಕಾರ ಸಂಸ್ಥೆಗಳ ಮೂಲಕ ಕೃಷಿ ಸಾಲ ನೀಡಲಾಗುತ್ತಿತ್ತು.

ಇದನ್ನೂ ಓದಿ: SBI Personal Loan: ಕೇವಲ ಒಂದು ಮಿಸ್ ಕಾಲ್ ಕೊಡಿ | ₹50 ಲಕ್ಷವರೆಗೆ SBI ಲೋನ್ ಸಿಗುತ್ತೆ

ಶೂನ್ಯ ಬಡ್ಡಿ ಸಾಲದ ಮಿತಿ ಹೇಗೆ ಹೆಚ್ಚಾಯಿತು?

ಕಾಲಕ್ರಮೇಣ ರೈತರ ಅಗತ್ಯತೆಗಳನ್ನು ಗಮನದಲ್ಲಿಟ್ಟುಕೊಂಡು ಸರ್ಕಾರವು ಸಾಲದ ಮಿತಿಯನ್ನು ಹೆಚ್ಚಿಸಿದೆ.

• 2012-13ರಲ್ಲಿ – 1 ಲಕ್ಷ ರೂ.ವರೆಗೆ ಶೂನ್ಯ ಬಡ್ಡಿ ಸಾಲ
• 2013-14ರಲ್ಲಿ – 2 ಲಕ್ಷ ರೂ.ವರೆಗೆ ವಿಸ್ತರಣೆ
• 2014-15ರಿಂದ – 3 ಲಕ್ಷ ರೂ.ವರೆಗೆ ಶೂನ್ಯ ಬಡ್ಡಿ ಸಾಲ

ನಂತರ ಹಿಂದಿನ ಸರ್ಕಾರ ಈ ಮಿತಿಯನ್ನು 5 ಲಕ್ಷ ರೂ.ವರೆಗೆ ಹೆಚ್ಚಿಸುವ ನಿರ್ಧಾರ ತೆಗೆದುಕೊಂಡಿತ್ತು. ಆದರೆ ಚುನಾವಣೆ ಕಾರಣದಿಂದ ಅದು ಸಂಪೂರ್ಣವಾಗಿ ಅನುಷ್ಠಾನಗೊಳ್ಳಲಿಲ್ಲ.

ಈಗಿನ ಸರ್ಕಾರವು ಕೂಡ ಬೆಳೆಸಾಲ ಮಿತಿಯನ್ನು 3 ಲಕ್ಷದಿಂದ 5 ಲಕ್ಷ ರೂ.ವರೆಗೆ ಹೆಚ್ಚಿಸುವ ನಿರ್ಧಾರ ಕೈಗೊಂಡಿದೆ.

ಇದನ್ನೂ ಓದಿ: Karnataka Govt 24300 Posts Recruitment: ರಾಜ್ಯ ಸರ್ಕಾರದ 24,300 ಹುದ್ದೆಗಳ ನೇಮಕಾತಿಗೆ ಅಸ್ತು | ಇಲಾಖಾವಾರು ಖಾಲಿ ಹುದ್ದೆಗಳ ಸಂಪೂರ್ಣ ಮಾಹಿತಿ

ಸಾಲದ ಅವಧಿಗಳು ಯಾವುವು?

ರೈತರಿಗೆ ನೀಡುವ ಕೃಷಿ ಸಾಲಗಳನ್ನು ಅವಧಿಯ ಆಧಾರದ ಮೇಲೆ ಮೂರು ವಿಭಾಗಗಳಾಗಿ ವಿಂಗಡಿಸಲಾಗುತ್ತದೆ.

1. ಅಲ್ಪಾವಧಿ ಸಾಲ (Short Term Loan)

• ಅವಧಿ: 1 ವರ್ಷ
• ಸಾಮಾನ್ಯವಾಗಿ ಬೆಳೆ ಬೆಳೆಯಲು ಬಳಸಲಾಗುತ್ತದೆ
• ಈ ಸಾಲವೇ ಹೆಚ್ಚಾಗಿ ಶೂನ್ಯ ಬಡ್ಡಿ ಸಾಲವಾಗಿರುತ್ತದೆ

ಇದನ್ನೂ ಓದಿ: Karnataka March-April Heatwave: ಕರ್ನಾಟಕದಲ್ಲಿ ಮಾರ್ಚ್-ಏಪ್ರಿಲ್‌ನಲ್ಲಿ ಬೆಂಕಿ ಬಿಸಿಲು | ಹವಾಮಾನ ಇಲಾಖೆ ಕಟ್ಟೆಚ್ಚರ

2. ಮಧ್ಯಮಾವಧಿ ಸಾಲ (Medium Term Loan)

• ಅವಧಿ: ಸುಮಾರು 5 ವರ್ಷ
• ಕೃಷಿ ಉಪಕರಣಗಳು, ಸಣ್ಣ ಹೂಡಿಕೆಗಳಿಗೆ ಬಳಸಲಾಗುತ್ತದೆ

3. ದೀರ್ಘಾವಧಿ ಸಾಲ (Long Term Loan)

• ಅವಧಿ: 10 ವರ್ಷವರೆಗೆ
• ಭೂ ಅಭಿವೃದ್ಧಿ, ದೊಡ್ಡ ಕೃಷಿ ಹೂಡಿಕೆಗಳಿಗೆ ಬಳಸಲಾಗುತ್ತದೆ

ಇದನ್ನೂ ಓದಿ: PNB 444 Days FD: ಎಫ್‌ಡಿ ವಿಶೇಷ ಯೋಜನೆ : 444 ದಿನಗಳಲ್ಲಿ ಡಬಲ್ ಲಾಭ? ಪಿಎನ್‌ಬಿ ಹೊಸ ಆಫರ್ ವಿವರ

ಯಾವ ಬ್ಯಾಂಕುಗಳು ಸಾಲ ನೀಡುತ್ತವೆ?

ರಾಜ್ಯದಲ್ಲಿ ರೈತರಿಗೆ ಕೃಷಿ ಸಾಲವನ್ನು ಮುಖ್ಯವಾಗಿ ಸಹಕಾರಿ ಬ್ಯಾಂಕುಗಳ ಮೂಲಕ ನೀಡಲಾಗುತ್ತದೆ. ಪ್ರಮುಖವಾಗಿ:

• ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಗಳು
• ಪ್ರಾಥಮಿಕ ಸಹಕಾರಿ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕುಗಳು
• ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕುಗಳು

ಈ ಬ್ಯಾಂಕುಗಳ ಮೂಲಕ ರೈತರಿಗೆ ಶೂನ್ಯ ಬಡ್ಡಿದರದಲ್ಲಿ ಸಾಲ ದೊರೆಯುತ್ತದೆ.

ಇದನ್ನೂ ಓದಿ: RTE Karnataka 2026-27: ಆರ್‌ಟಿಇ 2026-27 ಅರ್ಜಿ ಆಹ್ವಾನ | ಬಡ ಮಕ್ಕಳಿಗೆ ಖಾಸಗಿ ಶಾಲೆಯಲ್ಲಿ ಓದುವ ಅವಕಾಶ

ಯಾರು ಸಾಲ ಪಡೆಯಲು ಅರ್ಹರು?

ಈ ಯೋಜನೆಯಡಿ ಎಲ್ಲಾ ರೈತರಿಗೆ ಸ್ವಯಂವಾಗಿ ಸಾಲ ಸಿಗುವುದಿಲ್ಲ. ಕೆಲವು ನಿಯಮಗಳು ಅನ್ವಯವಾಗುತ್ತವೆ. ಮುಖ್ಯವಾಗಿ:

• ರೈತರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಸದಸ್ಯರಾಗಿರಬೇಕು
• ರೈತರು ವಾಸಿಸುವ ಪ್ರದೇಶದ ಸಂಘದಲ್ಲೇ ಸಾಲ ಪಡೆಯಬೇಕು
• ರೈತರು ಬೇರೆ ಬ್ಯಾಂಕ್‌ನಲ್ಲಿ ಈಗಾಗಲೇ ಸಾಲ ಪಡೆದಿರಬಾರದು
• ಒಬ್ಬ ರೈತ ಎರಡು ಸಂಘಗಳ ವ್ಯಾಪ್ತಿಯಲ್ಲಿ ಭೂಮಿ ಹೊಂದಿದ್ದರೂ, ವಾಸಿಸುವ ಸ್ಥಳದ ಸಂಘದಲ್ಲೇ ಸಾಲ ಪಡೆದರೆ ಮಾತ್ರ ಬಡ್ಡಿ ಸಹಾಯಧನ ದೊರೆಯುತ್ತದೆ.

ಇದನ್ನೂ ಓದಿ: SBI Stree Shakti Package Loan: ಎಸ್‌ಬಿಐ ಸ್ತ್ರೀ ಶಕ್ತಿ ಪ್ಯಾಕೇಜ್ ಲೋನ್ | ಮಹಿಳೆಯರಿಗೆ ₹10 ಲಕ್ಷವರೆಗೆ ಮೇಲಾಧಾರ ರಹಿತ ಸಾಲ

ಸಂಘ ಇಲ್ಲದಿದ್ದರೆ ಏನು ಮಾಡಬೇಕು?

ಒಂದು ವೇಳೆ ರೈತರು ವಾಸಿಸುವ ಪ್ರದೇಶದಲ್ಲಿ ಸಹಕಾರ ಸಂಘವೇ ಇಲ್ಲದಿದ್ದರೆ ಅಥವಾ ಆ ಸಂಘ ಸಾಲ ನೀಡಲು ಸಶಕ್ತವಾಗಿರದಿದ್ದರೆ:

ಆ ಸಂಘದಿಂದ ನಿರಪೇಕ್ಷಣಾ ಪತ್ರ (No Objection Certificate – NOC) ಪಡೆಯಬೇಕು. ನಂತರ ಡಿಸಿಸಿ ಬ್ಯಾಂಕಿನ ಶಾಖೆಯಲ್ಲಿ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು.

ಹೊರರಾಜ್ಯ ರೈತರಿಗೆ ಅನ್ವಯವಾಗುವುದಿಲ್ಲ

ಒಬ್ಬ ರೈತ ನೆರೆ ರಾಜ್ಯದಲ್ಲಿ ವಾಸವಿದ್ದು, ಕರ್ನಾಟಕದಲ್ಲಿ ಮಾತ್ರ ಭೂಮಿ ಹೊಂದಿದ್ದರೆ ಈ ಯೋಜನೆ ಅನ್ವಯವಾಗುವುದಿಲ್ಲ. ಈ ಯೋಜನೆಯ ಪ್ರಯೋಜನವನ್ನು ಪಡೆಯಲು ರೈತರು ಕರ್ನಾಟಕದಲ್ಲೇ ವಾಸಿಸಬೇಕು.

ಇದನ್ನೂ ಓದಿ: ಕಡಿಮೆ ಬಡ್ಡಿಯಲ್ಲಿ ಹೋಮ್ ಲೋನ್ ನೀಡುವ ಬ್ಯಾಂಕುಗಳ ಪಟ್ಟಿ | ನಿಮ್ಮ ಮನೆ ಕನಸಿಗೆ ಸರಿಯಾದ ಆಯ್ಕೆ ಯಾವುದು?

ಸಾಲ ಪಡೆಯಲು ಬೇಕಾಗುವ ದಾಖಲೆಗಳು

ರೈತರು ಕೃಷಿ ಸಾಲ ಪಡೆಯಲು ಕೆಲವು ಪ್ರಮುಖ ದಾಖಲೆಗಳನ್ನು ಸಲ್ಲಿಸಬೇಕು. ಮುಖ್ಯ ದಾಖಲೆಗಳು:

1. ಪಹಣಿ (RTC – Record of Rights, Tenancy and Crops)
2. ಆಧಾರ್ ಕಾರ್ಡ್ (Aadhaar Card)
3. ಬ್ಯಾಂಕ್ ಪಾಸ್‌ಬುಕ್ ಪ್ರತಿಗಳು
4. ಜಾತಿ ಪ್ರಮಾಣಪತ್ರ (Caste Certificate)
5. ಆದಾಯ ಪ್ರಮಾಣಪತ್ರ (Income Certificate)
6. ಸಹಕಾರ ಸಂಘದ ಸದಸ್ಯತ್ವ

ರೈತರು ಸಾಲ ಪಡೆಯಬೇಕಾದ ಬ್ಯಾಂಕ್‌ನಿAದ ಅರ್ಜಿ ಪಡೆದು ಅದನ್ನು ಸರಿಯಾಗಿ ಭರ್ತಿ ಮಾಡಿ ಸಲ್ಲಿಸಬೇಕು.

ಇದನ್ನೂ ಓದಿ: Small Savings Schemes Interest Rates 2026- ಸರ್ಕಾರದ ಈ ಉಳಿತಾಯ ಯೋಜನೆಗಳಲ್ಲಿ ಸಿಗಲಿದೆ ಭರ್ಜರಿ ಬಡ್ಡಿ | ಯಾವುದಕ್ಕೆ ಎಷ್ಟು ಬಡ್ಡಿ? ಇಲ್ಲಿದೆ ಸಂಪೂರ್ಣ ಪಟ್ಟಿ…

ರೈತರ ಆರ್ಥಿಕ ಶಕ್ತಿ ವೃದ್ಧಿಗೆ ಮಹತ್ವದ ಯೋಜನೆ

ಶೂನ್ಯ ಬಡ್ಡಿ ಕೃಷಿ ಸಾಲ ಯೋಜನೆ ರೈತರ ಆರ್ಥಿಕ ಭದ್ರತೆಗೆ ಅತ್ಯಂತ ಪ್ರಮುಖವಾಗಿದೆ. ಈ ಯೋಜನೆಯಿಂದ ರೈತರಿಗೆ ಸಾಲದ ಬಡ್ಡಿ ಭಾರ ಕಡಿಮೆಯಾಗುತ್ತದೆ. ಸಾಲಗಾರರ ಮೇಲೆ ಇರುವ ಒತ್ತಡ ಕಡಿಮೆಯಾಗುತ್ತದೆ. ಕೃಷಿ ಉತ್ಪಾದನೆ ಹೆಚ್ಚಾಗುವ ಸಾಧ್ಯತೆ ಇದೆ. ಇದರಿಂದ ರಾಜ್ಯದ ಕೃಷಿ ಕ್ಷೇತ್ರಕ್ಕೂ ಮತ್ತು ಗ್ರಾಮೀಣ ಆರ್ಥಿಕತೆಯಿಗೂ ದೊಡ್ಡ ಉತ್ತೇಜನ ಸಿಗುತ್ತದೆ.

ಒಟ್ಟಿನಲ್ಲಿ, 38 ಲಕ್ಷ ರೈತರಿಗೆ 30 ಸಾವಿರ ಕೋಟಿ ರೂ. ಶೂನ್ಯ ಬಡ್ಡಿ ಕೃಷಿ ಸಾಲ ವಿತರಿಸುವ ರಾಜ್ಯ ಸರ್ಕಾರದ ನಿರ್ಧಾರ ರೈತರಿಗೆ ದೊಡ್ಡ ಆರ್ಥಿಕ ನೆರವಾಗಲಿದೆ. ಕೃಷಿಯನ್ನು ಉತ್ತೇಜಿಸುವ ಹಾಗೂ ರೈತರ ಬದುಕು ಸುಧಾರಿಸುವ ದಿಸೆಯಲ್ಲಿ ಈ ಯೋಜನೆ ಮಹತ್ವದ ಹೆಜ್ಜೆಯಾಗಿದೆ.

Mudra Loan 20 lakhs: ಮುದ್ರಾ ಸಾಲದ ಮಿತಿ 20 ಲಕ್ಷಕ್ಕೆ ಏರಿಕೆ! ಗ್ಯಾರಂಟಿ ಇಲ್ಲದೆ ಲೋನ್ – ಪಡೆಯುವುದು ಹೇಗೆ?