ವಾರದಲ್ಲಿ ‘ಗೃಹಲಕ್ಷ್ಮಿ’ ಯೋಜನೆಯ ಹಣ ಜಮೆ ಆಗಲಿದ್ದು; ಸಚಿವೆ ಹೆಬ್ಬಾಳ್ಕರ್ ಅವರು ಮೇ ಮತ್ತು ಜೂನ್ ತಿಂಗಳ ಹಣ (Gruhalakshmi May-June Money) ಯಾವಾಗ ಜಮೆ ಆಗಲಿದೆ ಎಂಬ ಮಾಹಿತಿಯನ್ನು ನೀಡಿದ್ದಾರೆ…
ಕರ್ನಾಟಕ ಸರ್ಕಾರದ ಪ್ರಮುಖ ಮಹಿಳಾ ಸಬಲೀಕರಣ ಯೋಜನೆಯಾದ ಗೃಹಲಕ್ಷ್ಮಿ ಯೋಜನೆಗೆ ಸಂಬಂಧಿಸಿದಂತೆ ರಾಜ್ಯದ ಲಕ್ಷಾಂತರ ಮಹಿಳೆಯರಿಗೆ ಸಿಹಿ ಸುದ್ದಿ ಹೊರಬಿದ್ದಿದೆ. ಯೋಜನೆಯ ಮೇ ತಿಂಗಳ ಹಣ ಬಿಡುಗಡೆಗೆ ಕ್ಷಣಗಣನೆ ಆರಂಭವಾಗಿದೆ.
ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ನಿನ್ನೆ (ಜುಲೈ 05) ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ‘ಮೇ ತಿಂಗಳ ಹಣವನ್ನು ಇನ್ನೊಂದು ವಾರದಲ್ಲಿ ಮಹಿಳೆಯರ ಖಾತೆಗೆ ಜಮೆ ಮಾಡಲಾಗುವುದು’ ಎಂದು ಸ್ಪಷ್ಟವಾಗಿ ಘೋಷಿಸಿದ್ದಾರೆ.
ಮುಂದಿನ ವಾರದಲ್ಲಿ ಮೇ ತಿಂಗಳ ₹2,000
ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ‘ಈ ಯೋಜನೆಗೆ ಹಣಕಾಸಿನ ಯಾವುದೇ ತೊಂದರೆ ಇಲ್ಲ. ಈಗಾಗಲೇ ಹಣ ಬಿಡುಗಡೆ ಪ್ರಕ್ರಿಯೆ ನಡೆದಿದ್ದು, ಕೆಲ ತಾಂತ್ರಿಕ ಕಾರಣಗಳಿಂದ ಮೇ ತಿಂಗಳ ಹಣ ವರ್ಗಾವಣೆ ವಿಳಂಬವಾಗಿದೆ. ಆದರೆ ಎಲ್ಲವೂ ಶೀಘ್ರ ಸರಿಯಾಗಲಿದೆ’ ಎಂದಿದ್ದಾರೆ. ಅಂದರೆ, ಸರ್ಕಾರದ ಬಜೆಟ್ನಲ್ಲಿ ಹಣ ಒದಗಿಸಿದ್ದು, ಬಿಡುಗಡೆ ತಂತ್ರಾಂಶದ ಸಮಸ್ಯೆ ಮಾತ್ರ ಇರುವುದರಿಂದ ಹಣ ತಡವಾಗಿದೆ.
ಈ ಯೋಜನೆ ಅಡಿಯಲ್ಲಿ ಫಲಾನುಭವಿ ಪ್ರತಿ ಮಹಿಳೆಗೆ ಮಾಸಿಕ ₹2,000 ನಗದು ಸಹಾಯಧನ ನೀಡಲಾಗುತ್ತದೆ. ಮೇ ತಿಂಗಳ ₹2,000 ಹಣವನ್ನು ಇನ್ನೊಂದು ವಾರದಲ್ಲಿ ಖಾತೆಗೆ ಜಮೆ ಮಾಡುವುದಾಗಿ ಸಚಿವೆ ಭರವಸೆ ನೀಡಿದ್ದಾರೆ.
ಜೂನ್ ತಿಂಗಳ ಹಣಕ್ಕೆ ದಿನಾಂಕ ಘೋಷಣೆ
ಸಚಿವೆ ಹೆಬ್ಬಾಳ್ಕರ್ ಮತ್ತೊಂದು ಮಹತ್ವದ ವಿಷಯವನ್ನು ತಿಳಿಸಿದ್ದು; ‘ಜೂನ್ ತಿಂಗಳ ಹಣವನ್ನು ಜುಲೈ 15ರೊಳಗೆ ಮಹಿಳೆಯರ ಖಾತೆಗೆ ಜಮೆ ಮಾಡಲಾಗುವುದು’ ಎಂದು ಮಾಹಿತಿ ನೀಡಿದ್ದಾರೆ.
ಇದೇ ಮೊದಲ ಬಾರಿಗೆ ಸರ್ಕಾರ ಈ ಡೇಡ್ಲೈನ್ ಸ್ಪಷ್ಟವಾಗಿ ತಿಳಿಸಿದೆ. ಇದರಿಂದ ಫಲಾನುಭವಿಗಳಿಗೆ ಸಮಯದ ಆಧಾರದ ಮೇಲೆ ತಮ್ಮ ಖರ್ಚಿನ ಯೋಜನೆ ರೂಪಿಸಬಹುದು.
ಬಾಕಿ ಇರುವ ಫಲಾನುಭವಿಗಳಿಗೆ ಹಣ ಖಾತ್ರಿ
ಕೆಲವರಿಗೆ ಬ್ಯಾಂಕ್ ಖಾತೆಗೆ ಹಣ ಜಮೆ ಆಗದೆ ಬಾಕಿ ಉಳಿದ ವಿಷಯದ ಬಗ್ಗೆ ಸಚಿವೆ ‘ಯಾವ ಮಹಿಳೆಯರ ಖಾತೆಗೆ ಹಣ ಬಂದಿಲ್ಲವೋ, ಅವರಿಗೆ ಒಂದು ವಾರದಲ್ಲಿ ಮೇ ತಿಂಗಳ ಹಣ ಜಮೆ ಮಾಡಲಾಗುವುದು. ಹಾಗೆ ಉಳಿದ ಎಲ್ಲರಿಗೂ ಹಣ ತಲುಪಲು ನಾವು ಬದ್ಧರಾಗಿದ್ದೇವೆ’ ಎಂದು ಹೇಳಿದ್ದಾರೆ.
ಯಾವುದೇ ಫಲಾನುಭವಿಯು ಹಣದಿಂದ ವಂಚಿತರಾಗಬಾರದು ಎನ್ನುವುದು ಸರ್ಕಾರದ ಉದ್ದೇಶ. ಯೋಜನೆಯ ಮೊತ್ತವು ನೇರವಾಗಿ ಫಲಾನುಭವಿಯ ಬ್ಯಾಂಕ್ ಖಾತೆಗೆ ಬಂತು ಎಂಬುದನ್ನು ಖಚಿತಪಡಿಸಿಕೊಳ್ಳಲಾಗುತ್ತದೆ.
ಹಣ ಬಂದಿಲ್ಲದಿದ್ದರೆ ಏನು ಮಾಡಬೇಕು?
ಹಣ ಬಂದಿಲ್ಲದ ಅಥವಾ ಯೋಜನೆಯ ಪಾವತಿ ವಿಳಂಬವಾದ ಮಹಿಳೆಯರಿಗೆ ಪ್ರಮುಖ ಸೂಚನೆ:
- ಹತ್ತಿರದ ಸಿಡಿಪಿಓ (CDPO) ಕಚೇರಿಗೆ ತೆರಳಿ ತಮ್ಮ ಯೋಜನೆ ಸ್ಥಿತಿಯನ್ನು ಪರಿಶೀಲಿಸಬೇಕು.
- ಸಿಬ್ಬಂದಿಯವರು ನಿಮ್ಮ ಹೆಸರು, ಆಧಾರ್ ನಂಬರ್, ಖಾತೆ ವಿವರಗಳು ಪರಿಶೀಲಿಸುತ್ತಾರೆ.
- ಖಾತೆಯಲ್ಲಿ ‘NPCI FAILURE – ಬ್ಯಾಂಕ್ – ಆಧಾರ್ ಲಿಂಕ್ ಸಮಸ್ಯೆ’ ಹಾಗೂ ‘E-KYC FAILURE – ದಾಖಲೆ ದೃಢೀಕರಣ ವಿಳಂಬ/ತಪ್ಪು’ ದೋಷಗಳು ಕಂಡುಬರಬಹುದು.
- ಇಂತಹ ಸಮಸ್ಯೆ ಇದ್ದರೆ ರೇಷನ್ ಕಾರ್ಡ್, ಆಧಾರ್ ಕಾರ್ಡ್, ಆಧಾರ್ ಲಿಂಕ್ ಆಗಿರುವ ಮೊಬೈಲ್, ಬ್ಯಾಂಕ್ ಪಾಸ್ ಪುಸ್ತಕ ದಾಖಲೆಗಳನ್ನು CDPO ಕಚೇರಿಗೆ ತೆಗೆದುಕೊಂಡು ಹೋಗಿ.
ಒಟ್ಟಾರೆ ಮೇ ತಿಂಗಳ ಹಣ ಇನ್ನೊಂದು ವಾರದಲ್ಲಿ ಖಾತೆಗೆ ಬರಲಿದೆ. ಜೂನ್ ತಿಂಗಳ ಹಣ ಜುಲೈ 15ರೊಳಗೆ ಖಾತೆಗೆ ಬರಲಿದೆ. ಹಣ ಬಂದಿಲ್ಲದವರು ಅಆPಔ ಕಚೇರಿಗೆ ಹೋಗಿ ತಪಾಸಣೆ ಮಾಡಿಸಿಕೊಳ್ಳಿ.ದಾಖಲೆಗಳಲ್ಲಿ ದೋಷವಿದ್ದರೆ ತುರ್ತುವಾಗಿ ಸರಿಪಡಿಸಿಕೊಳ್ಳಿ.
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.