Gruhalakshmi Pending Money: ಗೃಹಲಕ್ಷ್ಮಿ ಯೋಜನೆಯಡಿ ಬಾಕಿ ಉಳಿದಿರುವ ಕಂತುಗಳ ಕುರಿತು ಮಹತ್ವದ ಮಾಹಿತಿ ಹೊರಬಂದಿದೆ. ಯುಗಾದಿ ಹೊತ್ತಿಗೆ ಮಹಿಳೆಯರ ಖಾತೆಗೆ ಹಣ ಜಮೆಯಾಗುವ ಸಾಧ್ಯತೆ ಇದೆ. ಸಂಪೂರ್ಣ ಮಾಹಿತಿ ಇಲ್ಲಿದೆ…
ರಾಜ್ಯ ಸರ್ಕಾರದ ಪ್ರಮುಖ ಗ್ಯಾರಂಟಿ ಯೋಜನೆಗಳಲ್ಲೊಂದು ಆಗಿರುವ ಗೃಹಲಕ್ಷ್ಮಿ ಯೋಜನೆ (Gruhalakshmi Scheme) ಕುರಿತು ಇದೀಗ ಮಹತ್ವದ ಬೆಳವಣಿಗೆ ನಡೆದಿದೆ. ಕಳೆದ ಕೆಲವು ತಿಂಗಳಿನಿಂದ ಮಹಿಳೆಯರಿಗೆ ಬರಬೇಕಿದ್ದ ಕಂತುಗಳು ಬಾಕಿ ಉಳಿದಿರುವ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿತ್ತು.
ಇದೀಗ ಸರ್ಕಾರದ ಮೇಲೆ ರಾಜಕೀಯ ಹಾಗೂ ಸಾರ್ವಜನಿಕ ಒತ್ತಡ ಹೆಚ್ಚಾದ ಹಿನ್ನೆಲೆ, ಮೊದಲ ಹಂತದಲ್ಲಿ ಮೂರು ಕಂತುಗಳನ್ನು ಬಿಡುಗಡೆ ಮಾಡಲು ಸರ್ಕಾರ ಮುಂದಾಗಿದೆ ಎಂಬ ಮಾಹಿತಿ ಹೊರಬಂದಿದೆ.
ಮಹಿಳೆಯರಿಗೆ ಬರಬೇಕಿದ್ದ ₹12,000 ಬಾಕಿ
ಗೃಹಲಕ್ಷ್ಮಿ ಯೋಜನೆಯಡಿ ಪ್ರತಿ ತಿಂಗಳು ಕುಟುಂಬದ ಮಹಿಳಾ ಮುಖ್ಯಸ್ಥೆಗೆ ₹2000 ನೀಡಲಾಗುತ್ತದೆ. ಆದರೆ ಹಲವು ತಿಂಗಳಿನಿAದ ಈ ಹಣ ಸರಿಯಾಗಿ ಜಮೆಯಾಗದೆ 6 ಕಂತುಗಳು ಬಾಕಿ ಉಳಿದಿವೆ ಎಂಬ ಆರೋಪ ಕೇಳಿಬಂದಿದೆ.
ಅಂದರೆ ಒಬ್ಬ ಮಹಿಳೆಗೆ ಸುಮಾರು ₹12,000 ವರೆಗೆ ಹಣ ಬರಬೇಕಾಗಿದೆ. ಈ ಹಿನ್ನೆಲೆ ಮಹಿಳೆಯರಲ್ಲಿ ಅಸಮಾಧಾನ ಹೆಚ್ಚಾಗಿದ್ದು, ವಿರೋಧ ಪಕ್ಷಗಳೂ ಸರ್ಕಾರದ ಮೇಲೆ ತೀವ್ರ ಟೀಕೆ ಮಾಡಿವೆ.
ಇದನ್ನೂ ಓದಿ: Zero Interest Crop Loan: 38 ಲಕ್ಷ ರೈತರಿಗೆ ಶೂನ್ಯ ಬಡ್ಡಿ ಕೃಷಿ ಸಾಲ ವಿತರಣೆ | ಈ ಸಾಲ ಪಡೆಯೋದು ಹೇಗೆ?
ಸರ್ಕಾರದ ಮೇಲೆ ಹೆಚ್ಚಾದ ಒತ್ತಡ
ರಾಜಕೀಯವಾಗಿ ಕೂಡ ಈ ವಿಷಯ ದೊಡ್ಡ ಚರ್ಚೆಗೆ ಕಾರಣವಾಯಿತು. ವಿರೋಧ ಪಕ್ಷದ ನಾಯಕರು ಸರ್ಕಾರವನ್ನು ಪ್ರಶ್ನಿಸುತ್ತಾ, ‘ಮಹಿಳೆಯರಿಗೆ ಹಣ ಕೊಡುತ್ತೇವೆ ಎಂದು ಹೇಳಿ ಮತ ಪಡೆದಿದ್ದೀರಿ. ಈಗ ಹಣ ನೀಡದೇ ವಿಳಂಬ ಮಾಡುವುದು ಸರಿಯಲ್ಲ’ ಎಂದು ಒತ್ತಾಯಿಸುತ್ತಿದ್ದಾರೆ.
ಇದೇ ವಿಷಯವನ್ನು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ (Women & Child Development Department) ಸಚಿವರಾದ Lakshmi Hebbalkar ಅವರ ಗಮನಕ್ಕೂ ತಂದಿದ್ದಾರೆ. ಅವರು ಕೂಡ ಹಣಕಾಸು ಇಲಾಖೆಯ ಮೇಲೆ ಒತ್ತಡ ತಂದು ಕಂತುಗಳನ್ನು ಬಿಡುಗಡೆ ಮಾಡಬೇಕೆಂದು ಒತ್ತಾಯಿಸಿದ್ದಾರೆ.
ಮೊದಲ ಹಂತದಲ್ಲಿ 3 ಕಂತು ಬಿಡುಗಡೆ
ಸರ್ಕಾರ ಈಗ ಮೊದಲ ಹಂತದಲ್ಲಿ ಮೂರು ಕಂತುಗಳನ್ನು ಬಿಡುಗಡೆ ಮಾಡುವ ಯೋಜನೆ ರೂಪಿಸಿದೆ ಎಂದು ಹೇಳಲಾಗುತ್ತಿದೆ. ಅದರಲ್ಲಿ ಮುಖ್ಯವಾಗಿ:
- 26ನೇ ಕಂತು – ನವೆಂಬರ್ ತಿಂಗಳ ಹಣ
- 27ನೇ ಕಂತು – ಡಿಸೆಂಬರ್ ತಿಂಗಳ ಹಣ
- 28ನೇ ಕಂತು – ಜನವರಿ ತಿಂಗಳ ಹಣ
ಈ ಮೂರು ಕಂತುಗಳು ಸೇರಿ ₹6000 ಮಹಿಳೆಯರ ಖಾತೆಗೆ (Bank Account) ಜಮೆ ಆಗುವ ಸಾಧ್ಯತೆ ಇದೆ.
ಇದನ್ನೂ ಓದಿ: SBI Personal Loan: ಕೇವಲ ಒಂದು ಮಿಸ್ ಕಾಲ್ ಕೊಡಿ | ₹50 ಲಕ್ಷವರೆಗೆ SBI ಲೋನ್ ಸಿಗುತ್ತೆ
ಇನ್ನೂ ಬಾಕಿ ಇರುವ ಕಂತುಗಳೂ ಬರುತ್ತವೆ
ಮೊದಲ ಹಂತದಲ್ಲಿ ಈ ಮೂರು ಕಂತುಗಳನ್ನು ನೀಡಿದ ನಂತರ, ಹಿಂದಿನ ವರ್ಷದಲ್ಲಿ ಬಾಕಿ ಉಳಿದಿರುವ ಫೆಬ್ರವರಿ ಮತ್ತು ಮಾರ್ಚ್ ತಿಂಗಳ ಹಣವನ್ನು ಕೂಡ ಕ್ಲಿಯರ್ ಮಾಡಲಾಗುತ್ತದೆ ಎಂದು ಹೇಳಲಾಗಿದೆ. ಹೀಗಾಗಿ ಹಂತ ಹಂತವಾಗಿ ಎಲ್ಲಾ ಬಾಕಿ ಹಣವನ್ನು ಮಹಿಳೆಯರಿಗೆ ನೀಡುವ ಸಾಧ್ಯತೆ ಇದೆ.
ಬಜೆಟ್ನಲ್ಲಿ ದೊಡ್ಡ ಮೊತ್ತ ಮೀಸಲು
ರಾಜ್ಯ ಸರ್ಕಾರ ಈ ವರ್ಷ ಗೃಹಲಕ್ಷ್ಮಿ ಯೋಜನೆಗೆ ದೊಡ್ಡ ಮೊತ್ತವನ್ನು ಮೀಸಲಿಟ್ಟಿದೆ. ಸರ್ಕಾರದ ಲೆಕ್ಕಾಚಾರ ಪ್ರಕಾರ:
- ₹28,608 ಕೋಟಿ ಗೃಹಲಕ್ಷ್ಮಿ ಯೋಜನೆಗೆ ಮೀಸಲು
- ಪ್ರತಿ ತಿಂಗಳು ಸುಮಾರು ₹2500 ಕೋಟಿ ಬೇಕಾಗುತ್ತದೆ
- ವರ್ಷಕ್ಕೆ ಸುಮಾರು ₹30,000 ಕೋಟಿ ಅಗತ್ಯವಿರುತ್ತದೆ
ಈ ಹಿನ್ನೆಲೆಯಲ್ಲಿ ಹಣದ ಕೊರತೆ ಆಗದಂತೆ ಈಗಲೇ ಬಜೆಟ್ನಲ್ಲಿ ಅಗತ್ಯ ಹಣವನ್ನು ಮೀಸಲಿಟ್ಟಿದೆ ಎಂದು ಸರ್ಕಾರ ಹೇಳುತ್ತಿದೆ.
ಇದನ್ನೂ ಓದಿ: Karnataka March-April Heatwave: ಕರ್ನಾಟಕದಲ್ಲಿ ಮಾರ್ಚ್-ಏಪ್ರಿಲ್ನಲ್ಲಿ ಬೆಂಕಿ ಬಿಸಿಲು | ಹವಾಮಾನ ಇಲಾಖೆ ಕಟ್ಟೆಚ್ಚರ
ಮಹಿಳಾ ಕಲ್ಯಾಣ ಯೋಜನೆಗಳಿಗೆ ಮತ್ತಷ್ಟು ಹಣ
ಗೃಹಲಕ್ಷ್ಮಿ ಮಾತ್ರವಲ್ಲದೆ, ಮಹಿಳೆಯರಿಗೆ ಸಂಬAಧಿಸಿದ ಇನ್ನಿತರ ಯೋಜನೆಗಳಿಗೂ ಸರ್ಕಾರ ಹೆಚ್ಚಿನ ಹಣ ಮೀಸಲಿಟ್ಟಿದೆ. ಉದಾಹರಣೆಗೆ:
- ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ಸುಮಾರು ₹34,929 ಕೋಟಿ
- ಶಕ್ತಿ ಯೋಜನೆಗೆ (Shakti Scheme) ಸುಮಾರು ₹5300 ಕೋಟಿ
ಈ ಯೋಜನೆಗಳ ಮೂಲಕ ಮಹಿಳೆಯರಿಗೆ ವಿವಿಧ ರೀತಿಯ ಸಹಾಯಗಳು ನೀಡಲಾಗುತ್ತಿದೆ. ಗರ್ಭಿಣಿ ಮಹಿಳೆಯರಿಗೆ ಪೌಷ್ಟಿಕ ಆಹಾರ, ಮಕ್ಕಳ ಆರೋಗ್ಯ ಯೋಜನೆಗಳು ಹಾಗೂ ಇತರ ಸೌಲಭ್ಯಗಳು ಇದರಲ್ಲಿ ಸೇರಿವೆ.
ನಿಮ್ಮ ಖಾತೆಗೆ ಹಣ ಬರದಿದ್ದರೆ ಏನು ಮಾಡಬೇಕು?
ಒಮ್ಮೆ ಕೆಲವರಿಗೆ ಹಣ ಜಮೆಯಾಗದೆ ಇರಬಹುದು. ಅಂತಹ ಸಂದರ್ಭಗಳಲ್ಲಿ ಈ ವಿಚಾರಗಳನ್ನು ಪರಿಶೀಲಿಸಬೇಕು:
- ಬ್ಯಾಂಕ್ ಖಾತೆ (Bank Account) ಸಕ್ರಿಯವಾಗಿದೆಯೇ?
- ಆಧಾರ್ ಲಿಂಕ್ (Aadhaar Linking) ಆಗಿದೆಯೇ?
- ಕೆವೈಸಿ (KYC) ಪೂರ್ಣವಾಗಿದೆಯೇ?
- ಬ್ಯಾಂಕ್ ಖಾತೆ ಹಾಗೂ ಯೋಜನೆ ಅರ್ಜಿಯ ವಿವರಗಳು ಒಂದೇ ಆಗಿದೆಯೇ?
ಈ ವಿವರಗಳಲ್ಲಿ ಯಾವುದೇ ಸಮಸ್ಯೆ ಇದ್ದರೆ ಹಣ ಜಮೆಯಾಗಲು ವಿಳಂಬವಾಗಬಹುದು.
ಯುಗಾದಿಗೆ ಮಹಿಳೆಯರಿಗೆ ಗುಡ್ ನ್ಯೂಸ್?
ಈ ಎಲ್ಲಾ ಬೆಳವಣಿಗೆಗಳನ್ನು ಗಮನಿಸಿದರೆ, ಯುಗಾದಿ ಹಬ್ಬದೊಳಗೆ ಕನಿಷ್ಠ ಎರಡು ಅಥವಾ ಮೂರು ಕಂತುಗಳ ಹಣ ಮಹಿಳೆಯರ ಖಾತೆಗೆ ಬರಬಹುದು ಎಂಬ ನಿರೀಕ್ಷೆ ವ್ಯಕ್ತವಾಗಿದೆ.
ಹೀಗಾಗಿ ಗೃಹಲಕ್ಷ್ಮಿ ಯೋಜನೆಯ ಲಾಭಾರ್ಥಿಗಳು ಹೆಚ್ಚು ಆತಂಕಪಡುವ ಅಗತ್ಯ ಇಲ್ಲ. ಸರ್ಕಾರ ಹಂತ ಹಂತವಾಗಿ ಎಲ್ಲಾ ಬಾಕಿ ಕಂತುಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆ ಇದೆ.
Mudra Loan 20 lakhs: ಮುದ್ರಾ ಸಾಲದ ಮಿತಿ 20 ಲಕ್ಷಕ್ಕೆ ಏರಿಕೆ! ಗ್ಯಾರಂಟಿ ಇಲ್ಲದೆ ಲೋನ್ – ಪಡೆಯುವುದು ಹೇಗೆ?
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.