ಬೆಂಗಳೂರು ರೈಲ್ವೇ ವಿಭಾಗದ ವಿವಿಧ ಟೆಕ್ನಿಷಿಯನ್ಸ್ ಹುದ್ದೆಗಳ (Railway Technician Jobs) ಭರ್ತಿಗೆ ಭಾರತೀಯ ರೈಲ್ವೆ ನೇಮಕಾತಿ ಮಂಡಳಿ ಅರ್ಜಿ ಆಹ್ವಾನಿಸಿದೆ. ಈ ನೇಮಕಾತಿ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ…
ಭಾರತೀಯ ರೈಲ್ವೆ ನೇಮಕಾತಿ ಮಂಡಳಿ (RRB) 2025ರ ಎರಡನೇ ಕೇಂದ್ರಿಕೃತ ಉದ್ಯೋಗ ಅಧಿಸೂಚನೆಯನ್ನು ಜಾರಿ ಮಾಡಿದೆ. ನಿನ್ನೆ ಜೂನ್ 28ರಂದು ಪ್ರಕಟವಾದ ಈ ಅಧಿಸೂಚನೆಯ ಮೂಲಕ ಒಟ್ಟು 6,238 ಟೆಕ್ನಿಷಿಯನ್ ಹುದ್ದೆಗಳನ್ನು ಭರ್ತಿ ಮಾಡಿಕೊಳ್ಳಲಾಗುತ್ತಿದೆ. ಐಟಿಐ ಹಾಗೂ ತಾಂತ್ರಿಕ ವಿದ್ಯಾರ್ಹತೆ ಹೊಂದಿರುವ ಅಭ್ಯರ್ಥಿಗಳಿಗೆ ಇದು ಉತ್ತಮ ಅವಕಾಶವಾಗಿದೆ.
ಹುದ್ದೆಗಳ ಒಟ್ಟು ವಿವರ
- ಟೆಕ್ನಿಷಿಯನ್ ಗ್ರೇಡ್-I: 183 ಹುದ್ದೆಗಳು
- ಟೆಕ್ನಿಷಿಯನ್ ಗ್ರೇಡ್-III: 6,055 ಹುದ್ದೆಗಳು
- ಒಟ್ಟು ಹುದ್ದೆಗಳು: 6,238 ಹುದ್ದೆಗಳು
ಟೆಕ್ನಿಷಿಯನ್ ಗ್ರೇಡ್-I ಪದವೀಧರ ಅಥವಾ ಡಿಪ್ಲೊಮಾ ಅರ್ಹತೆಯವರಿಗೆ ಸೂಕ್ತವಾಗಿದ್ದು, ಗ್ರೇಡ್-III SSLC ಮತ್ತು ಐಟಿಐ ಪಾಸಾದವರಿಗೆ ಮುಕ್ತ ಅವಕಾಶವನ್ನು ಒದಗಿಸುತ್ತದೆ.
ಬೆಂಗಳೂರು RRB ವ್ಯಾಪ್ತಿಯಲ್ಲಿ ಹುದ್ದೆಗಳ ವಿವರ
ಈ ನೇಮಕಾತಿಯಲ್ಲಿ ಬೆಂಗಳೂರು RRBಗೆ ವಿಶೇಷ ಒತ್ತು ನೀಡಲಾಗಿದ್ದು, ಇಲ್ಲಿ ಒಟ್ಟು 140 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ. ಟೆಕ್ನಿಷಿಯನ್ ಗ್ರೇಡ್-I / ಸಿಗ್ನಲ್ 09 ಹುದ್ದೆಗಳು ಹಾಗೂ ಟೆಕ್ನಿಷಿಯನ್ ಗ್ರೇಡ್-III 131 ಸೇರಿ ಒಟ್ಟು 140 ಹುದ್ದೆಗಳ ನೇಮಕಾತಿ ನಡೆಯಲಿದೆ. ವಿಭಾಗವಾರು ಹುದ್ದೆಗಳ ಪಟ್ಟಿ ಈ ಕೆಳಗಿನಂತಿದೆ:
- ಟ್ರ‍್ಯಾಕ್ ಮಷಿನ್
- ಬ್ಲ್ಯಾಕ್‌ಸ್ಮಿತ್
- ಬ್ರಿಜ್
- ಕ್ಯಾರಿಯೇಜ್ ಮತ್ತು ವ್ಯಾಗನ್
- ಡೀಸೆಲ್ (ಎಲೆಕ್ಟಿಕಲ್)
- ಡೀಸೆಲ್ (ಮೆಕಾನಿಕಲ್)
- ಎಲೆಕ್ಟಿಕಲ್ (TRS/TS)
- EMU ವಿಭಾಗ
- ಫಿಟ್ಟರ್
- ರೆಫ್ರಿಜರೇಷನ್ ಮತ್ತು ಏರ್ ಕಂಡೀಷನಿAಗ್
- ರಿವೆಟರ್
- ಎಸ್‌ಎಂಡಿಟಿ
- ವೆಲ್ಡರ್
- ಕ್ರೇನ್ ಡ್ರೈವರ್
- ಕಾರ್ಪೆಂಟರ್
- ಎಲೆಕ್ಟಿಕಲ್ (ವರ್ಕ್ಶಾಪ್)
- ಮಷಿನಿಸ್ಟ್
- ಮಿಲ್ ರೈಟ್
- ಪೇಂಟರ್
ವಿದ್ಯಾರ್ಹತೆ ಏನಿರಬೇಕು?
ಟೆಕ್ನಿಷಿಯನ್ ಗ್ರೇಡ್-III ಹುದ್ದೆಗಳಿಗೆ ಕನಿಷ್ಠ SSLC (10ನೇ ತರಗತಿ) ಪಾಸಾಗಿರಬೇಕು. ಸಂಬಂಧಿತ ಟ್ರೇಡ್‌ನಲ್ಲಿ ITI ಅರ್ಹತೆ ಹೊಂದಿರಬೇಕು.
ಟೆಕ್ನಿಷಿಯನ್ ಗ್ರೇಡ್-I ಹುದ್ದೆಗಳಿಗೆ ಕನಿಷ್ಠ B.Sc. (ಭೌತಶಾಸ್ತ್ರ/ಇಲೆಕ್ಟ್ರಾನಿಕ್ಸ್) ಅಥವಾ ಡಿಪ್ಲೊಮಾ/ಅಥವಾ ಇಂಜಿನಿಯರಿಂಗ್ ಪದವೀಧರರಾಗಿರಬೇಕು.
ಅಧಿಸೂಚನೆ ಪ್ರಕಾರ, ಅಭ್ಯರ್ಥಿಯು ಹೆಚ್ಚುವರಿ ವಿದ್ಯಾರ್ಹತೆಯನ್ನು ಹೊಂದಿದ್ದರೂ ನಿಗದಿತ ಪ್ರಾಥಮಿಕ ವಿದ್ಯಾರ್ಹತೆ ಇರಲೇಬೇಕು. ಉದಾಹರಣೆಗೆ, SSLC ಇಲ್ಲದ B.Sc. ಪದವಿದಾರರು ಗ್ರೇಡ್-III ಗೆ ಅರ್ಜಿ ಹಾಕಲು ಅನುಮತಿ ಇಲ್ಲ.
ವಯೋಮಿತಿ ವಿವರ
ಟೆಕ್ನಿಷಿಯನ್ ಗ್ರೇಡ್-I ಹುದ್ದೆಗಳಿಗೆ 2025ರ ಜುಲೈ 1ಕ್ಕೆ ಅನ್ವಯವಾಗುವಂತೆ 18 ರಿಂದ 33 ವರ್ಷ ಹಾಗೂ ಟೆಕ್ನಿಷಿಯನ್ ಗ್ರೇಡ್-III ಹುದ್ದೆಗಳಿಗೆ 18 ರಿಂದ 30 ವರ್ಷ ವಯೋಮಿತಿಯನ್ನು ನಿಗದಿಪಡಿಸಲಾಗಿದೆ. ಮೀಸಲಾತಿ ವರ್ಗಗಳಿಗೆ ಕೇಂದ್ರ ಸರ್ಕಾರದ ನಿಯಮಾನುಸಾರ ವಯೋಮಿತಿಯಲ್ಲಿ ಸಡಿಲಿಕೆ ಅನ್ವಯವಾಗುತ್ತದೆ.
ಅರ್ಜಿ ಶುಲ್ಕ ವಿವರ
ಎಸ್‌ಸಿ/ಎಸ್‌ಟಿ, ಮಹಿಳೆ, ಮಾಜಿ ಸೈನಿಕರು, ಅಂಗವಿಕಲರು, ಆರ್ಥಿಕ ದುರ್ಬಲ ವರ್ಗದ ಅಭ್ಯರ್ಥಿಗಳಿಗೆ ₹250 ಹಾಗೂ ಇತರ ಎಲ್ಲಾ ವರ್ಗಗಳ ಅಭ್ಯರ್ಥಿಗಳಿಗೆ ₹500 ಅರ್ಜಿ ಶುಲ್ಕ ನಿಗದಿಪಡಿಸಲಾಗಿದೆ.
ಪರೀಕ್ಷೆಗೆ ಹಾಜರಾದ ಮೇಲೆ ₹250 ಅಥವಾ ₹400 ಮರುಪಾವತಿಯಾಗುತ್ತದೆ. ಪ್ರತಿ ಹುದ್ದೆಗೆ ಪ್ರತ್ಯೇಕವಾಗಿ ಅರ್ಜಿ ಸಲ್ಲಿಸಿದರೆ ಪ್ರತಿ ಅರ್ಜಿ ಶುಲ್ಕವನ್ನು ಪಾವತಿಸಬೇಕು.
ಆಯ್ಕೆ ಪ್ರಕ್ರಿಯೆ ಹೇಗೆ?
ಅಭ್ಯರ್ಥಿಗಳನ್ನು ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT) ಮೂಲಕ ಆಯ್ಕೆ ಮಾಡಲಾಗುತ್ತದೆ. ಟೆಕ್ನಿಷಿಯನ್ ಗ್ರೇಡ್-I ಮತ್ತು ಗ್ರೇಡ್-III ಹುದ್ದೆಗಳಿಗೆ ಪ್ರತ್ಯೇಕವಾಗಿ ಪರೀಕ್ಷೆ ನಡೆಯುತ್ತದೆ.
ಅಧಿಸೂಚನೆಯಲ್ಲಿ ಪರೀಕ್ಷೆಯ ಮಾದರಿ, ಪ್ರಶ್ನೆಗಳ ಸಂಖ್ಯೆ, ವಿಷಯಗಳ ವಿವರಗಳನ್ನು ನೀಡಲಾಗಿದೆ. ಅಭ್ಯರ್ಥಿಗಳು ಅಧಿಸೂಚನೆಯನ್ನು ಡೌನ್‌ಲೋಡ್ ಮಾಡಿಕೊಂಡು ಚೆನ್ನಾಗಿ ಅಧ್ಯಯನ ಮಾಡಿಕೊಳ್ಳಬೇಕು.
Uchita Holige Yantra- ಉಚಿತ ಹೊಲಿಗೆ ಯಂತ್ರ ಅರ್ಜಿ ಸಲ್ಲಿಕೆಗೆ ಎರಡೇ ದಿನ ಬಾಕಿ | ಕೂಡಲೇ ಅರ್ಜಿ ಹಾಕಿ…
ಅಭ್ಯರ್ಥಿಗಳಿಗೆ ಪ್ರಮುಖ ಸೂಚನೆಗಳು
- ಫಲಿತಾಂಶದ ನಿರೀಕ್ಷೆಯಲ್ಲಿರುವವರು ಅರ್ಜಿ ಸಲ್ಲಿಸಲು ಅರ್ಹರಲ್ಲ.
- ಒಂದೇ ಹುದ್ದೆಗೆ ಒಂದಕ್ಕಿಂತ ಹೆಚ್ಚು ಅರ್ಜಿ ಸಲ್ಲಿಸಿದರೆ ಅರ್ಜಿ ತಿರಸ್ಕಾರವಾಗುತ್ತದೆ.
- ಹೆಸರು, ಪಾಲಕರ ಹೆಸರು, ಜನ್ಮ ದಿನಾಂಕವನ್ನು SSLC ಅಂಕಪಟ್ಟಿಯಲ್ಲಿರುವAತೆ ಸಲ್ಲಿಸಬೇಕು.
- ಆಯ್ಕೆಗೊಂಡ ಅಭ್ಯರ್ಥಿಗಳನ್ನು ತಮ್ಮ ಅರ್ಜಿ ಸಲ್ಲಿಸಿದ ಖಖಃ ವ್ಯಾಪ್ತಿಯಲ್ಲೇ ನಿಯೋಜಿಸಲಾಗುತ್ತದೆ.
ಪ್ರಮುಖ ದಿನಾಂಕಗಳು
- ಅರ್ಜಿ ಸಲ್ಲಿಕೆ ಪ್ರಾರಂಭ: 28-06-2025
- ಅರ್ಜಿ ಸಲ್ಲಿಕೆ ಕೊನೆ ದಿನಾಂಕ: 28-07-2025
- ಶುಲ್ಕ ಪಾವತಿ ಕೊನೆ ದಿನಾಂಕ: 30-07-2025
- ಅರ್ಜಿ ತಿದ್ದುಪಡಿ ಅವಧಿ: 01-10 ಆಗಸ್ಟ್ 2025
- ಅರ್ಹ ಅಭ್ಯರ್ಥಿಗಳ ಪಟ್ಟಿ ಪ್ರಕಟಣೆ: 11-15 ಆಗಸ್ಟ್ 2025
ಅರ್ಜಿ ಸಲ್ಲಿಕೆ ವಿಧಾನ
ಅಭ್ಯರ್ಥಿಗಳು RRB ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕು. ಅರ್ಜಿಯನ್ನು ನಿಗದಿತ ಸಮಯಕ್ಕೆ ಸಲ್ಲಿಸುವುದು ಅತ್ಯಂತ ಅವಶ್ಯಕ. ಅರ್ಜಿ ಸಲ್ಲಿಸುವಾಗ ಎಲ್ಲ ದಾಖಲೆಗಳು ಸರಿ ಮತ್ತು ಸ್ಪಷ್ಟವಾಗಿರಬೇಕು.
ಈ ಅಧಿಸೂಚನೆಯಲ್ಲಿ ನೀಡಿರುವ ಅರ್ಜಿ ವಿಧಾನ, ಅರ್ಹತೆ ಮತ್ತು ಪರೀಕ್ಷಾ ಮಾದರಿ ವಿವರಗಳನ್ನು ಸಂಪೂರ್ಣವಾಗಿ ಓದಿ, ಮನನ ಮಾಡಿಕೊಂಡ ನಂತರವೇ ಅರ್ಜಿ ಸಲ್ಲಿಸಿರಿ. ಅರ್ಜಿ ಸಲ್ಲಿಕೆ ವೇಳೆ ಸಣ್ಣ ತಪ್ಪು ಕೂಡ ಅರ್ಜಿ ತಿರಸ್ಕಾರಕ್ಕೆ ಕಾರಣವಾಗಬಹುದು.
ಅಧಿಸೂಚನೆ: Download