ಕರ್ನಾಟಕ SSLC ಪರೀಕ್ಷೆ-2 ಫಲಿತಾಂಶ (SSLC Exam 2 Result) ಪ್ರಕಟಣೆಗೆ ತಯಾರಿ ನಡೆದಿದ್ದು; ಇದಕ್ಕೆ ಪೂರಕವಾಗಿ ಕೀ ಉತ್ತರಗಳನ್ನು ಬಿಡುಗಡೆ ಮಾಡಲಾಗಿದೆ. ಈ ಕುರಿತ ಮಾಹಿತಿ ಇಲ್ಲಿದೆ…
2025ನೇ ಸಾಲಿನ ಕರ್ನಾಟಕ SSLC ಪರೀಕ್ಷೆ-2 ಬರೆದ ವಿದ್ಯಾರ್ಥಿಗಳಿಗೆ ಬಹುಮಹತ್ವದ ಘೋಷಣೆ ಹೊರಬಿದ್ದಿದೆ. ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯಮಾಪನ ಮಂಡಳಿ (KSEAB) SSLC ಪರೀಕ್ಷೆ-2 ಕೀ ಉತ್ತರಗಳನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ.
ಇದರಿಂದ ವಿದ್ಯಾರ್ಥಿಗಳು ತಮ್ಮ ಉತ್ತರಗಳನ್ನು ಪರಿಶೀಲಿಸಿ, ಫಲಿತಾಂಶ ಪ್ರಕಟಣೆಗೆ ಮೊದಲೇ ತಮ್ಮ ಅಂಕಗಳನ್ನು ಅಂದಾಜು ಮಾಡಿಕೊಳ್ಳಬಹುದು. ಈ ಲೇಖನದಲ್ಲಿ ನೀವು ಕೀ ಉತ್ತರಗಳ ಮಹತ್ವ, ಡೌನ್‌ಲೋಡ್ ವಿಧಾನ, ಫಲಿತಾಂಶ ಪ್ರಕಟಣೆಯ ನಿರೀಕ್ಷಿತ ದಿನಾಂಕ ಕುರಿತ ಸಂಪೂರ್ಣ ಮಾಹಿತಿ ನೀಡಲಾಗಿದೆ.
3.16 ಲಕ್ಷ ವಿದ್ಯಾರ್ಥಿಗಳು ನೋಂದಣಿ
ಎಸ್‌ಎಸ್‌ಎಲ್‌ಸಿ (SSLC) ಪರೀಕ್ಷೆ-2 ಯನ್ನು KSEAB (Karnataka School Examination and Assessment Board) ಅವರು ಮರುಪರೀಕ್ಷೆ ಅಥವಾ ಸುಧಾರಿತ ಪರೀಕ್ಷೆಯ ರೂಪದಲ್ಲಿ ನಡೆಸುತ್ತಾರೆ.
ಈ ಪರೀಕ್ಷೆಯಲ್ಲಿ ಪರೀಕ್ಷೆ-1ರಲ್ಲಿ ಅನುತ್ತೀರ್ಣರಾದವರು, ಒಂದು ಅಥವಾ ಎರಡು ವಿಷಯಗಳಲ್ಲಿ ಕಡಿಮೆ ಅಂಕ ಪಡೆದವರು ಹಾಗೂ ತಮ್ಮ ಅಂಕಗಳನ್ನು ಹೆಚ್ಚಿಸಿಕೊಳ್ಳಲು ಬಯಸುವ ವಿದ್ಯಾರ್ಥಿಗಳು ಭಾಗವಹಿಸಿದ್ದಾರೆ.
2025ರ ಮೇ 26ರಿಂದ 31ರ ವರೆಗೆ ಈ ಪರೀಕ್ಷೆ ರಾಜ್ಯದಾದ್ಯಂತ ವಿವಿಧ ಕೇಂದ್ರಗಳಲ್ಲಿ ನಡೆದಿದ್ದು; ಈ ಬಾರಿಯ SSLC ಪರೀಕ್ಷೆ-2ಕ್ಕೆ 3.16 ಲಕ್ಷ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದರು.
ಕೀ ಉತ್ತರಗಳ ಮಹತ್ವವೇನು?
ಕೀ ಉತ್ತರಗಳು ಮುಖ್ಯವಾಗಿ ವಿದ್ಯಾರ್ಥಿಗಳಿಗೆ ತಮ್ಮ ಉತ್ತರ ಪತ್ರಿಕೆಯನ್ನು ಸ್ವಯಂ ಮೌಲ್ಯಮಾಪನ ಮಾಡುವಲ್ಲಿ ಸಹಾಯ ಮಾಡುತ್ತವೆ. ಇದರ ಮಹತ್ವ ಇಂತಿದೆ:
- ವಿದ್ಯಾರ್ಥಿಗಳು ತಮ್ಮ ಉತ್ತರಗಳನ್ನು ಅಧಿಕೃತ ಕೀ ಉತ್ತರಗಳೊಂದಿಗೆ ಹೋಲಿಸಿ ಅಂಕ ಅಂದಾಜು ಮಾಡಿಕೊಳ್ಳಬಹುದು
- ಫಲಿತಾಂಶ ಪ್ರಕಟಣೆಗೆ ಮುನ್ನ ಅಂಕ ನಿರೀಕ್ಷೆ ತಿಳಿದು, ಮುಂದಿನ ತಯಾರಿಗೆ ಸಿದ್ಧರಾಗಬಹುದು
- ತಪ್ಪಾದ ಉತ್ತರಗಳನ್ನು ಗುರುತಿಸಿ, ಮುಂದಿನ ಪರೀಕ್ಷೆಯಲ್ಲಿ ಪುನರಾವೃತ್ತಿಯಾಗದಂತೆ ಎಚ್ಚರಿಕೆ ವಹಿಸಬಹುದು
- ಮತ್ತೊಮ್ಮೆ ಮರುಪರೀಕ್ಷೆಗೆ ಹಾಜರಾಗಬೇಕೇ ಇಲ್ಲವೇ ಎಂಬ ನಿರ್ಧಾರಕ್ಕೆ ಸಹಾಯವಾಗುತ್ತದೆ
SSLC ಪರೀಕ್ಷೆ-2 ಕೀ ಉತ್ತರ ಡೌನ್‌ಲೋಡ್ ಮಾಡುವ ವಿಧಾನ
ಕೀ ಉತ್ತರಗಳನ್ನು ಡೌನ್‌ಲೋಡ್ ಮಾಡಲು ಈ ಹಂತಗಳನ್ನು ಅನುಸರಿಸಿ:
- 2025ನೇ ಸಾಲಿನ SSLC ಪರೀಕ್ಷೆ-2 ಕೀ ಉತ್ತರಗಳನ್ನು ಡೌನ್‌ಲೋಡ್ ಮಾಡಲು ಮೊದಲಿಗೆ ಅಧಿಕೃತ ವೆಬ್‌ಸೈಟ್ kseab.karnataka.gov.inಗೆ ಭೇಟಿ ನೀಡಿ.
- ಮುಖ್ಯ ಪುಟದಲ್ಲಿ “SSLC Examination-2 Key Answers 2025” ವಿಷಯವಾರು ಪಿಡಿಎಫ್ ಪಟ್ಟಿ ತೆರೆದುಕೊಳ್ಳುತ್ತದೆ
- ನಿಮಗೆ ಬೇಕಾದ ವಿಷಯದ ಕೀ ಉತ್ತರ ಡೌನ್‌ಲೋಡ್ ಮಾಡಿ, ನಿಮ್ಮ ಉತ್ತರ ಪತ್ರಿಕೆಯನ್ನು ಇದರಿಂದ ಹೋಲಿಸಿ ಅಂಕ ಲೆಕ್ಕ ಹಾಕಿಕೊಳ್ಳಿ
SSLC ಪರೀಕ್ಷೆ-2 ಫಲಿತಾಂಶ ಯಾವಾಗ?
2025ರ SSLC ಪರೀಕ್ಷೆ-2 ಫಲಿತಾಂಶವನ್ನು ಜೂನ್ ತಿಂಗಳ ಮಧ್ಯಭಾಗ ಅಥವಾ ಕೊನೆ ವಾರದಲ್ಲಿ ಪ್ರಕಟಿಸುವ ನಿರೀಕ್ಷೆಯಿದೆ. ಫಲಿತಾಂಶ ಪ್ರಕಟವಾದ ನಂತರ ವಿದ್ಯಾರ್ಥಿಗಳು ತಮ್ಮ ರಿಜಿಸ್ಟ್ರೇಷನ್ ಸಂಖ್ಯೆ ಬಳಸಿ ಈ ಕೆಳಗಿನ ವೆಬ್‌ಸೈಟ್‌ಗಳಲ್ಲಿ ಅಂಕಪಟ್ಟಿಯನ್ನು ಪಡೆಯಬಹುದು:
- kseab.karnataka.gov.in
- karresults.nic.in
SSLC ಪರೀಕ್ಷೆ-2 ಬರೆದ ವಿದ್ಯಾರ್ಥಿಗಳಿಗೆ ಹಾರ್ದಿಕ ಶುಭಾಶಯಗಳು. ನಿಮ್ಮ ಪರಿಶ್ರಮ ಹಾಗೂ ಪ್ರಯತ್ನ ಫಲಕೊಡಲಿ. ನಿಮ್ಮ ಕನಸುಗಳ ಸಾಧನೆಯ ಹಾದಿಯಲ್ಲಿ ಈ ಪರೀಕ್ಷೆಯ ಫಲಿತಾಂಶ ಸಕಾರಾತ್ಮಕ ಹೆಜ್ಜೆಯಾಗಲಿ. ಹೆಚ್ಚಿನ ಮಾಹಿತಿ, ಫಲಿತಾಂಶ ಪ್ರಕಟಣೆ ವಿವರ, ಮರುಪರೀಕ್ಷೆ ಕುರಿತಾದ ನಿಖರ ಮಾಹಿತಿಗಾಗಿ mahitimane.com ವೆಬ್‌ಸೈಟ್ ನಿಯಮಿತವಾಗಿ ವೀಕ್ಷಿಸುತ್ತಿರಿ…