ಪಿಯುಸಿ ಪ್ರವೇಶಕ್ಕೆ ಹೆಚ್ಚುವರಿ ಶುಲ್ಕ ವಸೂಲಿ ಮಾಡದಂತೆ ರಾಜ್ಯ ಸರ್ಕಾರ ಹೊಸ ನಿಯಮ ಜಾರಿಗೊಳಿಸಿ ಆದೇಶಿಸಿದೆ. ಈ ಕುರಿತ ಮಾಹಿತಿ ಇಲ್ಲಿದೆ…
2025ರ ಪ್ರಥಮ ಪಿಯುಸಿ (PUC) ಪ್ರವೇಶಾತಿ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಕರ್ನಾಟಕ ಸರ್ಕಾರ ಮಹತ್ವದ ಮತ್ತು ಜನಪರ ಆದೇಶವನ್ನು ಹೊರಡಿಸಿದೆ. ಈ ಬಾರಿ ಎಲ್ಲ ಸರ್ಕಾರಿ, ಅನುದಾನಿತ ಹಾಗೂ ಖಾಸಗಿ ಪದವಿಪೂರ್ವ ಕಾಲೇಜುಗಳಲ್ಲಿ ಪ್ರವೇಶಾತಿಯು ರೋಸ್ಟರ್ ಪದ್ಧತಿ, ಮೀಸಲು ನಿಯಮ ಹಾಗೂ ನಿಯಮಿತ ಶುಲ್ಕಕ್ಕೆ ಅನುಗುಣವಾಗಿ ನಡೆಯಬೇಕೆಂದು ಶಾಲಾ ಶಿಕ್ಷಣ ಇಲಾಖೆ ನಿಗದಿಪಡಿಸಿದೆ.
ಈ ಹೊಸ ಕ್ರಮದಿಂದಾಗಿ ಖಾಸಗಿ ಕಾಲೇಜುಗಳ ಹೆಚ್ಚುವರಿ ಶುಲ್ಕ ವಸೂಲಿಗೆ ಕಠಿಣ ಕಡಿವಾಣ ಬೀಳಲಿದೆ. ಆ ಮೂಲಕ ರಾಜ್ಯದ ಸಾವಿರಾರು ಬಡ, ಹಿಂದುಳಿದ ವರ್ಗಗಳ ವಿದ್ಯಾರ್ಥಿಗಳಿಗೆ ನ್ಯಾಯಸಮ್ಮತವಾಗಿ ಶಿಕ್ಷಣವನ್ನು ಪಡೆಯುವ ದಾರಿಯಾಗಲಿದೆ.
ರೋಸ್ಟರ್ ನಿಯಮದ ಕಟ್ಟುನಿಟ್ಟಿನ ಅನುಷ್ಠಾನ Roster Rule Mandatory
ಹಿಂದಿನ ವರ್ಷಗಳಲ್ಲಿ ಹಲವಾರು ಖಾಸಗಿ ಮತ್ತು ಅನುದಾನಿತ ಕಾಲೇಜುಗಳಲ್ಲಿ ರೋಸ್ಟರ್ ನಿಯಮ ಪಾಲನೆ ಕೇವಲ ಕಡತದ ಮಟ್ಟಿಗೆ ಸೀಮಿತವಾಗಿತ್ತು. ಆದರೆ ಈ ಬಾರಿ, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಖಾಸಗಿ ಶಿಕ್ಷಣ ಸಂಸ್ಥೆಗಳಲ್ಲಿ ಈ ನಿಯಮವನ್ನು ಕಡ್ಡಾಯಗೊಳಿಸಿ, ಆನ್ಲೈನ್ ಲಾಗಿನ್ ಪ್ಲಾಟ್ಫಾರ್ಮ್ (ಸ್ಯಾಟ್ಸ್) ಮೂಲಕ ನಿಗದಿತ ಮಾದರಿಯಲ್ಲಿ ಪಾಲನೆಯಾಗಿದೆಯೇ ಎಂಬುದನ್ನು ವೀಕ್ಷಣೆ ಮಾಡಲಿದೆ.
ರೋಸ್ಟರ್ ನಿಯಮದ ಪ್ರಕಾರ, ಇನ್ಮುಂದೆ ಪರಿಶಿಷ್ಟ ಜಾತಿ (SC), ಪರಿಶಿಷ್ಟ ಪಂಗಡ (ST), ಇತರ ಹಿಂದುಳಿದ ವರ್ಗಗಳು (OBC) ಮತ್ತು ಆರ್ಥಿಕವಾಗಿ ಹಿಂದುಳಿದ ವರ್ಗಗಳ (EWS) ವಿದ್ಯಾರ್ಥಿಗಳಿಗೆ ಮೀಸಲು ಪಾಲನೆ ಕಡ್ಡಾಯ. ಪ್ರತ್ಯೇಕ ಶ್ರೇಣಿಗಳಾದ ದಿವ್ಯಾಂಗರು, ಮಾಜಿ ಸೈನಿಕರ ಮಕ್ಕಳು, ಕ್ರೀಡಾ ಸಾಧಕ ವಿದ್ಯಾರ್ಥಿಗಳು ಮುಂತಾದವರಿಗೆ ವಿಶೇಷ ಆದ್ಯತೆ ನೀಡಬೇಕು.
ಹೆಚ್ಚುವರಿ ಶುಲ್ಕ ವಸೂಲಿಗೆ ಕಡಿವಾಣ
ಇನ್ನು ಮೊದಲಿನಂತೆ ಖಾಸಗಿ ಹಾಗೂ ಅನುದಾನಿತ ಕಾಲೇಜುಗಳು ಸರ್ಕಾರಿ ಕೋಟಾದಡಿ ಸೇರುವ ವಿದ್ಯಾರ್ಥಿಗಳಿಂದ ಯಾವುದೇ ಹೆಚ್ಚುವರಿ ಶುಲ್ಕವನ್ನು ಪಡೆಯಲು ಅವಕಾಶವಿಲ್ಲ. ಸರ್ಕಾರ ನಿಗದಿಪಡಿಸಿದ ಶುಲ್ಕ ರೂಪರೇಖೆಗೆ ಅನುಗುಣವಾಗಿ ಮಾತ್ರ ಶುಲ್ಕ ಪಡೆಯಬಹುದಾಗಿದೆ.
ಯಾವುದೇ ಕಾಲೇಜು ಈ ನಿಯಮಗಳನ್ನು ಉಲ್ಲಂಘಿಸಿದರೆ, ಅರ್ಜಿಗಳನ್ನು ತಿರಸ್ಕರಿಸುವುದು, ಪ್ರವೇಶಾತಿ ರದ್ದುಪಡಿಸುವುದು ಮಾಡಿದರೆ, ಅಂತಹ ಪ್ರವೇಶಾತಿ ರದ್ದುಪಡಿಸುವುದೂ ಸೇರಿದಂತೆ ಅಧಿಕೃತವಾಗಿ ಕ್ರಮ ಕೈಗೊಳ್ಳಲಾಗುವುದು ಎಂದು ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರು ಹೇಳಿದ್ದಾರೆ.
ಸೀಟು ಹಂಚಿಕೆ ವಿಂಗಡಣೆ
ರಾಜ್ಯ ಸರ್ಕಾರದ ಪ್ರಕಾರ, ಖಾಸಗಿ ಹಾಗೂ ಅನುದಾನಿತ ಕಾಲೇಜುಗಳಲ್ಲಿ ಪ್ರವೇಶಾತಿಗೆ ಸೀಟುಗಳ ಹಂಚಿಕೆ ಈ ಕೆಳಗಿನಂತಿರುತ್ತದೆ:
ಅನುದಾನಿತ ಕಾಲೇಜುಗಳು
- ಸರ್ಕಾರಿ ಸೀಟು: 64%
- ಮ್ಯಾನೇಜ್ಮೆಂಟ್ ಕೋಟಾ: 16%
- ಉಳಿದ 20% ವಿಧ್ಯಾರ್ಥಿಗಳ ಸಾಮಾನ್ಯ ಅರ್ಹತೆಯ ಆಧಾರದಲ್ಲಿ
ಖಾಸಗಿ ಕಾಲೇಜುಗಳು
- ಸರ್ಕಾರಿ ಸೀಟು: 50%
- ಮ್ಯಾನೇಜ್ಮೆಂಟ್ ಕೋಟಾ: 50%
ಈ ಹಂಚಿಕೆಯಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. ಈ ನಿಯಮದಿಂದ ಬಡ ಮತ್ತು ಹಿಂದುಳಿದ ಕುಟುಂಬಗಳ ಮಕ್ಕಳು ಖಾಸಗಿ ಶಿಕ್ಷಣಕ್ಕೂ ಸಮಾನ ಪ್ರವೇಶವನ್ನು ಪಡೆಯುವಂತಾಗಲಿದೆ.
ಅರ್ಜಿ ಪ್ರಕ್ರಿಯೆ ಹೇಗೆ?
ವಿದ್ಯಾರ್ಥಿಗಳ ಎಲ್ಲಾ ವಿವರಗಳನ್ನು ಸ್ಯಾಟ್ಸ್ (Student Achievement Tracking System- SATS) ಪೋರ್ಟಲ್ನಲ್ಲಿ ದಾಖಲಿಸಬೇಕು. ಈ ಪೋರ್ಟಲ್ ಮೂಲಕ ಜಿಲ್ಲಾ ಮಟ್ಟದ ಅಧಿಕಾರಿಗಳು ಪ್ರವೇಶಾತಿಗೆ ಮೊದಲು ಅನುಮೋದನೆ ನೀಡುತ್ತಾರೆ. ಯಾವುದಾದರೂ ಮೀಸಲು ವರ್ಗದಲ್ಲಿ ಅರ್ಹ ಅಭ್ಯರ್ಥಿ ಲಭ್ಯವಿಲ್ಲದಿದ್ದರೆ, ಆ ಸೀಟನ್ನು ಬೇರೆ ವರ್ಗದ ಅಭ್ಯರ್ಥಿಗೆ ನೀಡಲು ಅವಕಾಶವಿಲ್ಲ.
ಈ ವರ್ಷದಿಂದ ಪ್ರಾರಂಭವಾಗುತ್ತಿರುವ ಈ ಹೊಸ ನಿಯಮಗಳ ಜಾರಿಗೆ ಶಾಲಾ ಶಿಕ್ಷಣ ಇಲಾಖೆ ಹತ್ತಿರದಿಂದ ನಿಗಾವಹಿಸುತ್ತಿದ್ದು, ಇದು ನಿಜವಾಗಿಯೂ ಒಂದು ಸಾಮಾಜಿಕವಾಗಿ ಪ್ರಗತಿಪರ ಹೆಜ್ಜೆಯಾಗಿದೆ. ಖಾಸಗಿ ಶಿಕ್ಷಣದ ವ್ಯಾಪ್ತಿಯಲ್ಲೂ ನ್ಯಾಯ ಸಿಗಬೇಕು, ಬಡ ವಿದ್ಯಾರ್ಥಿಗಳು ಶ್ರೇಷ್ಠ ಶಿಕ್ಷಣ ಪಡೆದು ಮುಂದೆ ಬರಬೇಕು ಎಂಬುದು ಈ ಕ್ರಮದ ಮೂಲ ಉದ್ದೇಶವಾಗಿದೆ.
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.