ಕರ್ನಾಟಕ ಸಿಇಟಿ 2025ರ ಫಲಿತಾಂಶ (KEA CET Result 2025) ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ರಿಸಲ್ಟ್ ಪ್ರಕಟಣೆ ಯಾವಾಗ ಎಂಬ ಕುತೂಹಲ ಹೆಚ್ಚುತ್ತಿದೆ. ಕುರಿತ ಹೊಸ ಅಪ್ಡೇಟ್ ಇಲ್ಲಿದೆ…
ಕಳೆದ ಏಪ್ರಿಲ್ 15, 16 ಮತ್ತು 17, 2025ರಂದು ನಡೆದ KCET ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳು ತಮ್ಮ KEA CET ಫಲಿತಾಂಶಕ್ಕಾಗಿ ಕಾದು ಕೂತಿದ್ದಾರೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಈ ವಾರ ಯಾವುದೇ ಸಮಯದಲ್ಲಿ KCET ಫಲಿತಾಂಶವನ್ನು ಪ್ರಕಟಿಸಲಿದೆ.
ಫಲಿತಾಂಶ ಪ್ರಕಟವಾದ ತಕ್ಷಣ ಅಭ್ಯರ್ಥಿಗಳು KEA CET ಫಲಿತಾಂಶ ಸ್ಕೋರ್ಕಾರ್ಡ್, ಟಾಪರ್ಗಳ ಪಟ್ಟಿ, ರ್ಯಾಂಕ್ ಪಟ್ಟಿ ಮತ್ತು ಇತ್ಯಾದಿ ಸಂಪೂರ್ಣ ವಿವರಗಳನ್ನು KEA KCET 2025 ಫಲಿತಾಂಶ ನವೀಕರಣಗಳಲ್ಲಿ ಕಾಣಬಹುದು.
ಮೇ 25ರೊಳಗೆ ಫಲಿತಾಂಶ ಪ್ರಕಟ
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಅಧಿಕಾರಿಗಳ ಪ್ರಕಾರ, 2025ರ ಮೇ 25ರ ಒಳಗೆ ಯಾವುದೇ ಸಮಯದಲ್ಲಿ ಫಲಿತಾಂಶ ಪ್ರಕಟವಾಗುವ ಸಾಧ್ಯತೆ ಇದೆ. ಮೇ 16ರಂದು ಘೋಷಿಸಲಾದ ಕರ್ನಾಟಕ ಪಿಯುಸಿ ಪರೀಕ್ಷೆ 2ರ ಅಂಕಗಳು ಸೇರಿದಂತೆ ದತ್ತಾಂಶ ಸಂಗ್ರಹಣೆ ನಡೆಯುತ್ತಿರುವುದೇ ವಿಳಂಬವಾಗುತ್ತಿದೆ.
ರಿಸಲ್ಟ್ ಘೋಷಣೆಯಾದ ತಕ್ಷಣ ವಿದ್ಯಾರ್ಥಿಗಳು ತಮ್ಮ ಸಿಇಟಿ ಫಲಿತಾಂಶವನ್ನು ಕೆಳಗಿನ ಅಧಿಕೃತ ವೆಬ್ಸೈಟ್ಗಳಲ್ಲಿ ಪರಿಶೀಲಿಸಬಹುದು:
ಸ್ಕೋರ್ಕಾರ್ಡ್’ನಲ್ಲಿ ಇರಲಿರುವ ಮಾಹಿತಿಗಳು
- ಅಭ್ಯರ್ಥಿಯ ಹೆಸರು
- ಸಿಇಟಿ ವಿಷಯವಾರು ಅಂಕಗಳು (Physics, Chemistry, Maths/Biology)
- ಒಟ್ಟು ಅಂಕಗಳು
- ಪಿಯುಸಿ 2ನೇ ವರ್ಷದ ಸಂಬAಧಿತ ಅಂಕಗಳು
- ಶ್ರೇಣಿಯ ವಿವರ (Merit Rank)
- ಅಭ್ಯರ್ಥಿಯ ಅರ್ಹತೆ (Qualified/Not qualified)
ಸ್ಕೋರ್ಕಾರ್ಡ್ ಡೌನ್ಲೋಡ್ ಮಾಡುವ ವಿಧಾನ
- ಫಲಿತಾಂಶ ಪ್ರಕಟಣೆಯ ನಂತರ ಅಧಿಕೃತ ವೆಬ್ಸೈಟ್ಗೆ ಹೋಗಿ, “KCET 2025 Result” ಲಿಂಕ್ ಕ್ಲಿಕ್ ಮಾಡಿ
- ನಿಮ್ಮ CET ಅರ್ಜಿ ಸಂಖ್ಯೆ ಹಾಗೂ ಜನ್ಮ ದಿನಾಂಕ ನಮೂದಿಸಿ
- ಸ್ಕೋರ್ಕಾರ್ಡ್ ಡೌನ್ಲೋಡ್ ಮಾಡಿ, ಪ್ರಿಂಟ್ ತೆಗೆದುಕೊಳ್ಳಿ
ಟಾಪರ್ಗಳ ಪಟ್ಟಿ ಪ್ರಕಟಣೆ
ಫಲಿತಾಂಶದ ಜೊತೆಗೆ, ಎಂಜಿನಿಯರಿಂಗ್, ಕೃಷಿ, ಬಿ-ಪಾರ್ಮಾ, ವೆಟರಿನರಿ ಸೇರಿದಂತೆ ಎಲ್ಲಾ ವಿಭಾಗಗಳಲ್ಲಿ ಅತಿ ಹೆಚ್ಚು ಅಂಕ ಪಡೆದ ಟಾಪರ್ಗಳ ಪಟ್ಟಿಯು ಪ್ರಕಟವಾಗುತ್ತದೆ. ಇದು ವಿದ್ಯಾರ್ಥಿಗಳಿಗೆ ಪ್ರೇರಣೆಯಾಗಿ ಕೆಲಸ ಮಾಡುತ್ತದೆ.
ಮೆರಿಟ್ ಪಟ್ಟಿ ಮತ್ತು ವರ್ಗವಾರು ಕಟ್ಆಫ್ ಶ್ರೇಣಿಗಳು
ಫಲಿತಾಂಶದ ಬಳಿಕ, ಕೆಇಎ ಎಲ್ಲಾ ಕೋರ್ಸ್’ಗಳಿಗೆ ಪ್ರತ್ಯೇಕ ಮೆರಿಟ್ ಪಟ್ಟಿ, ಎಸ್ಸಿ, ಎಸ್ಟಿ, ಓಬಿಸಿ, ಜನೆರಲ್, ಎಲ್ಐಜಿ, ಎನ್ಸಿಇಬಿಸಿ ವರ್ಗಗಳಿಗೆ ಕಟ್ಆಫ್ ಅಂಕಗಳು ಹಾಗೂ 2024ರ ಹಳೆಯ ಕಟ್ಆಫ್ಗಳ ಹೋಲಿಕೆಯೊಂದಿಗೆ ಹೊಸ ಶ್ರೇಣಿಯನ್ನು ಪ್ರಕಟಿಸುತ್ತದೆ. ಇವುಗಳು ವಿದ್ಯಾರ್ಥಿಗಳಿಗೆ ಯಾವ ಕಾಲೇಜು ಅಥವಾ ಕೋರ್ಸ್’ಗಳಿಗೆ ಪ್ರವೇಶ ಸಿಗಬಹುದು ಎಂದು ಊಹೆ ಮಾಡಲು ಸಹಕಾರಿಯಾಗುತ್ತದೆ.
ಸಿಇಟಿ 2025 ಕೌನ್ಸೆಲಿಂಗ್ ಪ್ರಕ್ರಿಯೆ
ಜೂನ್ 2025ರಿಂದ ಕೌನ್ಸೆಲಿಂಗ್ ಪ್ರಕ್ರಿಯೆ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಈ ಹಂತದಲ್ಲಿ ಪ್ರಾಥಮಿಕ ದಾಖಲಾತಿ ಮತ್ತು ಡಾಕ್ಯುಮೆಂಟ್ ಪರಿಶೀಲನೆ, ಶ್ರೇಣಿಗಳ ಆಧಾರದ ಮೇಲೆ ಸೀಟು ಆಯ್ಕೆ ಹಾಗೂ ಆಯ್ಕೆ ಮಾಡಿದ ಕೋರ್ಸ್’ಗೆ ತಾತ್ಕಾಲಿಕ/ಸ್ಥಾಯಿಯಾದ ಸ್ಥಾನ ಪ್ರಕ್ರಿಯೆ ನಡೆಯಲಿದೆ. ಈ ಪ್ರಕ್ರಿಯೆಗೆ ಅಗತ್ಯ ಡಾಕ್ಯುಮೆಂಟ್ಸ್ ಹೀಗಿವೆ:
- ಸಿಇಟಿ ಅಡ್ಮಿಟ್ ಕಾರ್ಡ್
- ಸ್ಕೋರ್ಕಾರ್ಡ್
- ಪಿಯುಸಿ ಅಂಕಪಟ್ಟಿ
- ಹಿಂದುಳಿದ ವರ್ಗ ಪ್ರಮಾಣಪತ್ರ (ಅವರವರಿಗೆ)
- ಓಟರ್ ಐಡಿ/ಆಧಾರ್ ಕಾರ್ಡ್
ಒಟ್ಟಾರೆ ಕೆಇಎ ಸಿಇಟಿ ಫಲಿತಾಂಶ 2025 ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಇನ್ನೆರಡು ಮೂರು ದಿನಗಳಲ್ಲಿ ವಿದ್ಯಾರ್ಥಿಗಳ ಭವಿಷ್ಯವನ್ನು ನಿರ್ಧರಿಸುವ ಪ್ರಮುಖ ಹಂತವಾದ ರಿಸಲ್ಟ್ ಪ್ರಕಟವಾಗಲಿದೆ. ಸರಿಯಾದ ಮಾಹಿತಿಯೊಂದಿಗೆ ಮುಂದಿನ ಹಂತಗಳಿಗೆ ಸಿದ್ಧರಾಗಿರಿ…
Education Loan- ₹10 ಲಕ್ಷದಿಂದ ₹60 ಲಕ್ಷದ ವರೆಗೆ ಶಿಕ್ಷಣ ಸಾಲ | ಅರ್ಜಿ ಸಲ್ಲಿಕೆಯ ಸಂಪೂರ್ಣ ಮಾಹಿತಿ ಇಲ್ಲಿದೆ…
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.