8ನೇ ವೇತನ ಆಯೋಗದ (8th Pay Commission) ಮೇಲೆ ಸರ್ಕಾರಿ ನೌಕರರ ನಿರೀಕ್ಷೆ ದಿನೇ ದಿನೆ ಹೆಚ್ಚುತ್ತಿದೆ. ಇದರಿಂದ ಸಂಬಳ ಮತ್ತು ಪಿಂಚಣಿ ಭಾರಿ ಏರಿಕೆಯಾಗಲಿದ್ದು; ಈ ಕುರಿತ ನಿಖರ ಮಾಹಿತಿ ಇಲ್ಲಿದೆ…
ಕೇಂದ್ರ ಸರಕಾರ ಈಗಾಗಲೇ 8ನೇ ವೇತನ ಆಯೋಗ ರಚನೆಗೆ ತಾತ್ವಿಕ ಅನುಮೋದನೆ ನೀಡಿದೆ. ಈ ಹಿನ್ನಲೆಯಲ್ಲಿ ಬಹುಶಃ 2026ರ ಜನವರಿಯಿಂದ ಕೇಂದ್ರ ಸರ್ಕಾರಿ ನೌಕರರು ಮತ್ತು ನಿವೃತ್ತರಿಗೆ ಸಂಬಳ ಹಾಗೂ ಪಿಂಚಣಿಯಲ್ಲಿ ಭಾರೀ ಏರಿಕೆ ಆಗುವ ನಿರೀಕ್ಷೆಯಿದೆ.
8ನೇ ವೇತನ ಆಯೋಗದ ಘೋಷಣೆ ಹಂತಗಳು
ಸರ್ಕಾರ 2024ರ ಕೊನೆ ಹೊತ್ತಿನಲ್ಲಿ ವೇತನ ಆಯೋಗ ರಚನೆಯ ಪ್ರಸ್ತಾವನೆಗೆ ಹಸಿರು ನಿಶಾನೆ ತೋರಿಸಿದೆ. ಈ ಆಯೋಗವು ಹಲವು ತಿಂಗಳುಗಳ ಕಾಲ ಅಧ್ಯಯನ ನಡೆಸಿ ವರದಿ ಮಂಡಿಸಲಿದೆ.
2025ರ ಕೊನೆಯ ವೇಳೆಗೆ ಅಂತಿಮ ಶಿಫಾರಸುಗಳನ್ನು ನೀಡಲಿದೆ. ಶಿಫಾರಸುಗಳನ್ನು ಕೇಂದ್ರ ಸಂಪುಟ ಅನುಮೋದಿಸಿದ ಬಳಿಕ, 2026ರ ಜನವರಿ 1ರಿಂದ ಹೊಸ ವೇತನ ರಚನೆ ಜಾರಿಯಾಗುವುದು ಎಂದು ನಿರೀಕ್ಷಿಸಲಾಗಿದೆ.
ಸಂಬಳ ಮತ್ತು ಪಿಂಚಣಿ ಭಾರೀ ಏರಿಕೆ
ವೇತನ ಪರಿಷ್ಕರಣೆಯಲ್ಲಿ ಪ್ರಮುಖ ಅಂಶವಾಗಿರುವ ಫಿಟ್ಮೆಂಟ್ ಫ್ಯಾಕ್ಟರ್ (Fitment Factor) ಅನ್ನು 7ನೇ ವೇತನ ಆಯೋಗದಲ್ಲಿ 2.57ರಂತೆ ನಿಗದಿಪಡಿಸಲಾಗಿತ್ತು. ಆದರೆ, ಇದೀಗ 8ನೇ ವೇತನ ಆಯೋಗದಲ್ಲಿ ಈ ಸಂಖ್ಯೆಯನ್ನು 2.86ಕ್ಕೆ ಏರಿಸುವ ಪ್ರಸ್ತಾಪವಿದೆ.
ಹಾಗೇನಾದರೂ ಆದರೆ, ನೌಕರರ ಮೂಲ ವೇತನ ಹಾಗೂ ಪಿಂಚಣಿಯಲ್ಲಿ ಭಾರೀ ಏರಿಕೆ ಕಂಡುಬರುತ್ತದೆ. ಈ ಬದಲಾವಣೆಯಿಂದ, ಕನಿಷ್ಠ ವೇತನವು ₹18,000 ರಿಂದ ₹51,480ಕ್ಕೆ ಹಾಗೂ ಕನಿಷ್ಠ ಪಿಂಚಣಿಯು ₹9,000 ರಿಂದ ₹25,740ಕ್ಕೆ ಏರಿಕೆಯಾಗಬಹುದು.
ವೇತನ ಶ್ರೇಣಿಗಳ ಅನ್ವಯ ನಿರೀಕ್ಷಿತ ಏರಿಕೆ
ವೇತನ ಶ್ರೇಣಿಗಳ ಪ್ರಕಾರ ನಿರೀಕ್ಷಿತ ಏರಿಕೆಯನ್ನು ಈ ಕೆಳಗಿನಂತೆ ಅಂದಾಜು ಲೆಕ್ಕ ಮಾಡಬಹುದು:
- ಲೆವೆಲ್ 3: ಗ್ರೇಡ್ ಪೇ ₹2000 – ಪರಿಷ್ಕೃತ ಮೂಲ ವೇತನ ₹57,456 – ಒಟ್ಟು ವೇತನ (ಎಚ್ಆರ್ಎ, ಟಿಎ ಸೇರಿ) ₹74,845 – ಕೈಗೆ ಸಿಗುವ ಸಂಬಳ ₹68,849
- ಲೆವೆಲ್ 6: ಗ್ರೇಡ್ ಪೇ ₹4200 – ಪರಿಷ್ಕೃತ ಮೂಲ ವೇತನ ₹93,708 – ಒಟ್ಟು ವೇತನ (ಎಚ್ಆರ್ಎ, ಟಿಎ ಸೇರಿ) – ₹1,19,798 – ಕೈಗೆ ಸಿಗುವ ಸಂಬಳ ₹1,09,977
- ಲೆವೆಲ್ 9: ಗ್ರೇಡ್ ಪೇ ₹5400 – ಪರಿಷ್ಕೃತ ಮೂಲ ವೇತನ ₹1,40,220 – ಒಟ್ಟು ವೇತನ (ಎಚ್ಆರ್ಎ, ಟಿಎ ಸೇರಿ) ₹1,81,073 – ಕೈಗೆ ಸಿಗುವ ಸಂಬಳ ₹1,66,401
- ಲೆವೆಲ್ 11: ಗ್ರೇಡ್ ಪೇ ₹6600 – ಪರಿಷ್ಕೃತ ಮೂಲ ವೇತನ – ಒಟ್ಟು ವೇತನ (ಎಚ್ಆರ್ಎ, ಟಿಎ ಸೇರಿ) ₹1,84,452 – ಒಟ್ಟು ವೇತನ (ಎಚ್ಆರ್ಎ, ಟಿಎ ಸೇರಿ) ₹2,35,920 – ಕೈಗೆ ಸಿಗುವ ಸಂಬಳ ₹2,16,825
ಸೂಚನೆ: ಈ ಲೆಕ್ಕಾಚಾರಗಳು ಪ್ರಾಥಮಿಕ ಅಂದಾಜುಗಳಾಗಿದ್ದು, ಅಂತಿಮ ವೇತನ ಶಿಫಾರಸುಗಳು ಆಯೋಗದ ವರದಿ ಮತ್ತು ಸರ್ಕಾರದ ಅನುಮೋದನೆ ನಂತರ ಮಾತ್ರ ಖಚಿತವಾಗಲಿದೆ.
ಪಿಂಚಣಿ ಲಾಭದಲ್ಲಿ ಕೂಡ ಏರಿಕೆ
ನಿವೃತ್ತರಾದವರು ಕೂಡ 8ನೇ ವೇತನ ಆಯೋಗದಿಂದ ಲಾಭ ಪಡೆಯಲಿದ್ದಾರೆ. ಏಕೆಂದರೆ ಫಿಟ್ಮೆಂಟ್ ಫ್ಯಾಕ್ಟರ್ದ ಮೇಲ್ಮಟ್ಟ ಹೆಚ್ಚಾದರೆ, ಆಧಾರಿತ ಪಿಂಚಣಿಯ ಮೊತ್ತ ಸಹ ಅದರ ಅನುಪಾತದಲ್ಲಿ ಏರಿಕೆ ಹೊಂದುತ್ತದೆ. ಇದರಿಂದ, ಮೂಲ ಪಿಂಚಣಿ ₹25,000 ಗಿಂತ ಹೆಚ್ಚು ಆಗುವ ಸಾಧ್ಯತೆಯಿದೆ.
ಎನ್ಪಿಎಸ್ ಮತ್ತು ಸಿಜಿಎಚ್ಎಸ್ ಮೇಲಿನ ಪರಿಣಾಮ
1. ರಾಷ್ಟ್ರೀಯ ಪಿಂಚಣಿ ಯೋಜನೆ (NPS): ಪ್ರಸ್ತುತ, ನೌಕರರು ತಮ್ಮ ವೇತನದ 10% ಮತ್ತು ಸರ್ಕಾರ 14% NPSಗೆ ಕೊಡುಗೆ ನೀಡುತ್ತಿವೆ. ವೇತನ ಹೆಚ್ಚಾದರೆ, ಈ ಕೊಡುಗೆ ಮೊತ್ತಗಳು ಸಹ ಪ್ರಪೋರ್ಷನಲ್ ಆಗಿ ಏರಿಕೆಯಾಗಲಿವೆ. ಈ ಮೂಲಕ ನಿವೃತ್ತಿಯ ಸಮಯದಲ್ಲಿ ಅಧಿಕ ಮೊತ್ತ ಲಭ್ಯವಾಗುವುದು.
2. ಕೇಂದ್ರ ಸರ್ಕಾರದ ಆರೋಗ್ಯ ಯೋಜನೆ (CGHS): ವೇತನ ಶ್ರೇಣಿಗೆ ಅನುಗುಣವಾಗಿ ಸಿಜಿಎಚ್ಎಸ್ ಪಾವತಿ ಮೊತ್ತ ನಿಗದಿಯಾಗಿರುವುದರಿಂದ, ಹೊಸ ವೇತನ ರಚನೆಯ ಅನುಸಾರವಾಗಿ ಸಿಜಿಎಚ್ಎಸ್ ಪಾವತಿ ಮೊತ್ತ ಸಹ ಪರಿಷ್ಕಾರಗೊಳ್ಳಲಿದೆ.
3. ಇತರೆ ಭತ್ಯೆಗಳಲ್ಲಿ ಪರಿಷ್ಕರಣೆ ಸಾಧ್ಯತೆ: 8ನೇ ವೇತನ ಆಯೋಗವು ವಿವಿಧ ಭತ್ಯೆಗಳಲ್ಲಿಯೂ ಪರಿಷ್ಕರಣೆ ಮಾಡುವ ನಿರೀಕ್ಷೆಯಿದೆ. ಮನೆ ಬಾಡಿಗೆ ಭತ್ಯೆ (HRA), ಪ್ರಯಾಣ ಭತ್ಯೆ (TA)ಇತ್ಯಾದಿ ಭತ್ಯೆಗಳ ಪರಿಷ್ಕರಣೆ ಕೂಡ ಆಗಲಿದ್ದು ನೌಕರರಿಗೆ ಇದರಿಂದಲೂ ಹೆಚ್ಚಿನ ಪ್ರಯೋಜನ ಸಿಗಲಿದೆ.
ಉದ್ಯೋಗಿಗಳ ನಿರೀಕ್ಷೆ ಮತ್ತು ಒತ್ತಡಗಳು
ಸರ್ಕಾರಿ ನೌಕರರ ಸಂಘಗಳು ಮತ್ತು ಕೇಂದ್ರದ ನೌಕರರ ಒಕ್ಕೂಟಗಳು ವೇತನ ಪರಿಷ್ಕರಣೆ ಕುರಿತು ಸರ್ಕಾರದ ಮೇಲೆ ನಿರಂತರ ಒತ್ತಡ ಹಾಕುತ್ತಿವೆ. 8ನೇ ವೇತನ ಆಯೋಗದ ಶಿಫಾರಸುಗಳನ್ನು ವಿಸ್ತೃತವಾಗಿ ಅನುಸರಿಸಬೇಕೆಂದು ಒತ್ತಾಯಿಸುತ್ತಿವೆ.
8ನೇ ವೇತನ ಆಯೋಗವು ಕೇಂದ್ರ ಸರ್ಕಾರಿ ನೌಕರರು ಮತ್ತು ನಿವೃತ್ತರ ಬದುಕಿನಲ್ಲಿ ಹೊಸ ಆರ್ಥಿಕ ಬದಲಾವಣೆಗೆ ದಾರಿ ನೀಡುವ ನಿರೀಕ್ಷೆಯಿದೆ. ನೌಕರರ ವೇತನ, ಪಿಂಚಣಿ ಹಾಗೂ ಇತರ ಭತ್ಯೆಗಳಲ್ಲಿ ಬೃಹತ್ ಏರಿಕೆಯಿಂದ ತಾವು ಮಾಡುವ ಸೇವೆಗೆ ನ್ಯಾಯ ದೊರೆಯುತ್ತದೆ ಎಂಬ ಭರವಸೆ ನೌಕರರಲ್ಲಿದೆ. ಆದರೂ ಅಂತಿಮ ನಿರ್ಧಾರ ಕೇಂದ್ರ ಸರ್ಕಾರದ ಮೇಲೆ ಅವಲಂಬಿತವಾಗಿರುತ್ತವೆ.
DA Hike July 2025- ಸರ್ಕಾರಿ ನೌಕರರಿಗೆ ಜುಲೈನಿಂದ ತುಟ್ಟಿಭತ್ಯೆ (DA) ಹೆಚ್ಚಳ | ಸಂಬಳ ಎಷ್ಟು ಏರಿಕೆಯಾಗಲಿದೆ?
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.