ಇದೇ ಜುಲೈ ತಿಂಗಳಿನಿಂದ ಸರ್ಕಾರಿ ನೌಕರರಿಗೆ ತುಟ್ಟಿಭತ್ಯೆ ಹೆಚ್ಚಳವಾಗುವ (July 2025 DA Hike) ಸಾಧ್ಯತೆ ದಟ್ಟವಾಗಿದೆ. ಇದರಿಂದ ನೌಕರರ ಸಂಬಳ ಕೂಡ ಏರಿಕೆಯಾಗಲಿದ್ದು; ಈ ಕುರಿತ ಮಾಹಿತಿ ಇಲ್ಲಿದೆ…
ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಗುಡ್ ನ್ಯೂಸ್ ಹೊರಬಿದ್ದಿದೆ. 2025ರ ಜುಲೈಯಿಂದ ಅವರ ತುಟ್ಟಿಭತ್ಯೆ (Dearness Allowance – DA) ಶೇಕಡಾ 3ರಷ್ಟು ಹೆಚ್ಚಾಗಿ 58%ಕ್ಕೆ ಏರಿಸಬಹುದು ಎಂಬ ನಿರೀಕ್ಷೆಯಿದೆ. ಇದು 7ನೇ ವೇತನ ಆಯೋಗದ ಅಡಿಯಲ್ಲಿ ಕೊನೆಯ ಡಿಎ ಪರಿಷ್ಕರಣೆಯಾಗಿದೆ.
ತುಟ್ಟಿಭತ್ಯೆ (DA) ಏಕೆ ಹೆಚ್ಚಾಗುತ್ತಿದೆ?
ಡಿಎ ಹೆಚ್ಚಳವನ್ನು ಲೆಕ್ಕಾಚಾರ ಮಾಡುವಾಗ ಅಖಿಲ ಭಾರತ ಗ್ರಾಹಕ ಬೆಲೆ ಸೂಚ್ಯಂಕ – ಕೈಗಾರಿಕಾ ಕಾರ್ಮಿಕರಿಗಾಗಿ (AICPI – IW) ಅಂಕಿಅಂಶಗಳನ್ನು ಆಧಾರವಾಗಿಸಲಾಗುತ್ತದೆ. ಈ ಸೂಚ್ಯಂಕವು ನೌಕರರ ಜೀವನೋಪಾಯ ವೆಚ್ಚದ ಆಧಾರವನ್ನು ಪ್ರತಿಬಿಂಬಿಸುವ ಪ್ರಮುಖ ಸೂಚ್ಯಂಕವಾಗಿದೆ.
ಈ ಸೂಚ್ಯಂಕವು ಪ್ರತಿ ತಿಂಗಳೂ ಕಾರ್ಮಿಕ ಸಚಿವಾಲಯದ ಕಾರ್ಮಿಕ ಬ್ಯೂರೋ ಪ್ರಕಟಿಸುವ ಅಂಕಿಗಳ ಆಧಾರವಾಗಿ ಇರುತ್ತದೆ. 2025ರ ಏಪ್ರಿಲ್ ತಿಂಗಳಲ್ಲಿ AICPI-IW ಸೂಚ್ಯಂಕವು 143.5ಕ್ಕೆ ತಲುಪಿದ್ದು, ಜನವರಿಯಲ್ಲಿ ಇದು 143.2 ಆಗಿತ್ತು. ಮಾರ್ಚ್’ನಲ್ಲಿ 0.2 ಅಂಕಗಳ ಏರಿಕೆ ಕಂಡು ಬಂದಿತ್ತು. ಇದು ಸೂಚ್ಯಂಕವು ನಿರಂತರವಾಗಿ ಏರುತ್ತಿರುವುದನ್ನು ಸೂಚಿಸುತ್ತದೆ.
ಡಿಎ ಏರಿಕೆಯ ಲೆಕ್ಕಾಚಾರ ಹೇಗೆ?
ಪ್ರತಿ ಆರು ತಿಂಗಳಿಗೊಮ್ಮೆ ಅಂದರೆ, ಜನವರಿ ಮತ್ತು ಜುಲೈ ತಿಂಗಳಲ್ಲಿ ಡಿಎ ಪರಿಷ್ಕರಣೆ ಜಾರಿಗೆ ಬರುತ್ತದೆ. ಈಗಾಗಲೇ 2025ರ ಜನವರಿಯಲ್ಲಿ ಡಿಎ ಶೇಕಡಾ 2ರಷ್ಟು ಹೆಚ್ಚಳಗೊಂಡು ಶೇಕಡಾ 55ಕ್ಕೆ ತಲುಪಿದೆ.
AICPI-IW ಸೂಚ್ಯಂಕ ಏರಿಕೆ, ಜನವರಿಯಿಂದ ಮೇ ವರೆಗೆ ಲೆಕ್ಕಿಸಲಾದ ಸರಾಸರಿ ಸೂಚ್ಯಂಕ ಹಾಗೂ ಹಣದುಬ್ಬರದ ಮೇಲೆ ಸರ್ಕಾರದ ತಜ್ಞ ಸಮಿತಿಯ ಮೌಲ್ಯಮಾಪನ ಲೆಕ್ಕಾಚಾರದ ಆಧಾರವಾಗಿ, ತಜ್ಞರು ಜುಲೈ 2025ರಲ್ಲಿ ಡಿಎ ಶೇಕಡಾ 3ರಷ್ಟು ಹೆಚ್ಚಾಗಬಹುದೆಂದು ನಿರ್ಧರಿಸಿದ್ದಾರೆ. ಇದರಿಂದ ಒಟ್ಟು ಡಿಎ ಶೇಕಡಾ 58ಕ್ಕೆ ಏರಬಹುದು.
ಇದರಿಂದ ಎಷ್ಟು ನೌಕರರಿಗೆ ಲಾಭ?
ಈ ಡಿಎ ಪರಿಷ್ಕರಣೆಯಿಂದ ಸುಮಾರು 50 ಲಕ್ಷಕ್ಕೂ ಹೆಚ್ಚು ಕೇಂದ್ರ ಸರ್ಕಾರಿ ನೌಕರರು ಹಾಗೂ 65 ಲಕ್ಷ ಪಿಂಚಣಿದಾರರು ಲಾಭ ಪಡೆಯಲಿದ್ದಾರೆ. ಡಿಎ ಹೆಚ್ಚಳವು ನೇರವಾಗಿ ನೌಕರರ ಸಂಬಳ ಅಥವಾ ಪಿಂಚಣಿಗೆ ಲಗತ್ತಿಸಲಾಗುತ್ತದೆ. ಹೀಗಾಗಿ ಈ ಹೆಚ್ಚಳ ನೌಕರರ ವಾರ್ಷಿಕ ಆದಾಯದಲ್ಲಿ ನೇರವಾಗಿ ಪರಿಣಾಮ ಬೀರುತ್ತದೆ.
2026ರ ಮೊದಲಾರ್ಧದಲ್ಲಿ 8ನೇ ವೇತನ ಆಯೋಗ ಘೋಷಣೆಯಾಗುವ ಸಾಧ್ಯತೆ ಇದೆ. 7ನೇ ವೇತನ ಆಯೋಗದ ಅಂತಿಮ ಡಿಎ ಪರಿಷ್ಕರಣೆ ಇದಾಗಿದೆ. 2016ರಲ್ಲಿ ಜಾರಿಗೆ ಬಂದ 7ನೇ ವೇತನ ಆಯೋಗವು 2025ರ ಡಿಸೆಂಬರ್ 31ಕ್ಕೆ ತನ್ನ ಅಧಿಕಾರಾವಧಿಯನ್ನು ಮುಕ್ತಾಯಗೊಳಿಸುತ್ತದೆ.
ಹಣದುಬ್ಬರದ ಒತ್ತಡ ಹೇಗಿದೆ?
ಏಪ್ರಿಲ್ 2025ರಲ್ಲಿ ಚಿಲ್ಲರೆ ಹಣದುಬ್ಬರ ದರವು 2.94% ಆಗಿದ್ದು, ಹಿಂದಿನ ತಿಂಗಳ 2.95% ಹೋಲಿಸಿದರೆ ಸ್ವಲ್ಪ ಇಳಿಕೆಯಾಗಿದ್ದರೂ, ಇದು ಸ್ಥಿರ ಸ್ಥಿತಿಗೆ ಸೂಚನೆ ನೀಡುತ್ತಿದೆ. ಕಳೆದ ಏಪ್ರಿಲ್ 2024ರಲ್ಲಿ ಈ ದರ 3.87% ಇತ್ತು. ಇದು ದೇಶದ ಆರ್ಥಿಕ ಪರಿಸ್ಥಿತಿ ನಿಯಂತ್ರಣದಲ್ಲಿದೆ ಎಂಬುದನ್ನು ತೋರಿಸುತ್ತದೆ.
ಆಹಾರ ಉತ್ಪನ್ನಗಳು, ಬಟ್ಟೆ ಮತ್ತು ಶೂ, ಇಂಧನ, ವಿದ್ಯುತ್, ಅಡಿಕೆ, ತಂಬಾಕು ಉತ್ಪನ್ನಗಳ ಬೆಲೆ ಹೆಚ್ಚಳ ಅಂಶಗಳು ಗ್ರಾಹಕ ಬೆಲೆ ಸೂಚ್ಯಂಕದ ಮೇಲೆ ಪ್ರಭಾವ ಬೀರಿವೆ. ಮುಂದಿನ ತಿಂಗಳುಗಳಲ್ಲೂ ಈ ಏರಿಕೆ ಮುಂದುವರಿದರೆ, ಡಿಎ ಹೆಚ್ಚಳ ಖಚಿತವೆನ್ನಬಹುದು.
Central Govt Pension Rules- ಸರ್ಕಾರಿ ನೌಕರರಿಗೆ ಹೊಸ ನಿಯಮ ಜಾರಿ | ಪಿಂಚಣಿ ನಿಯಮದಲ್ಲಿ ಮಹತ್ತರ ಬದಲಾವಣೆ
ಡಿಎ ಹೆಚ್ಚಳದ ಅಧಿಕೃತ ಘೋಷಣೆ ಯಾವಾಗ?
ಪ್ರತಿ ವರ್ಷದಂತೆ, ಈ ಬಾರಿ ಸಹ ಡಿಎ ಹೆಚ್ಚಳದ ಅಧಿಕೃತ ಘೋಷಣೆ ದೀಪಾವಳಿ (ಅಕ್ಟೋಬರ್-ನವೆಂಬರ್) ಹೊತ್ತಿಗೆ ಹೊರ ಬೀಳುವ ನಿರೀಕ್ಷೆಯಿದೆ. ಈ ಘೋಷಣೆಯ ನಂತರವೇ ಸರ್ಕಾರಿ ನೌಕರರ ವೇತನದಲ್ಲಿ ಹೆಚ್ಚಳ ಜಾರಿಗೆ ಬರಲಿದೆ. ಡಿಎ ಪರಿಷ್ಕರಣೆ ಮುಖ್ಯಾಂಶಗಳು ಈ ಕೆಳಗಿನಂತಿವೆ:
- ಡಿಎ ಹೆಚ್ಚಳ ನಿರೀಕ್ಷೆ: ಶೇಕಡಾ 3%
- ಹೊಸ ಡಿಎ ದರ: ಶೇಕಡಾ 58%
- ಜಾರಿಗೆ ಬರುವ ತಾರೀಖು: ಜುಲೈ 1, 2025
- ಅಧಿಕೃತ ಘೋಷಣೆ: ಅಕ್ಟೋಬರ್ – ನವೆಂಬರ್ 2025
- ಲಾಭ ಪಡೆಯುವವರು: 50 ಲಕ್ಷ ನೌಕರರು, 65 ಲಕ್ಷ ಪಿಂಚಣಿದಾರರು
- AICPI-IW ಸೂಚ್ಯಂಕ: ಏಪ್ರಿಲ್ನಲ್ಲಿ 143.5
- 7ನೇ ವೇತನ ಆಯೋಗ: ಡಿಸೆಂಬರ್ 2025ಕ್ಕೆ ಕೊನೆ
ಈ ವಿವರಣೆ ಸರಕಾರದ ಅಧಿಕೃತ ಪ್ರಕಟಣೆಯ ನಂತರ ಮಾತ್ರ ಅಂತಿಮವಾಗುತ್ತದೆ. ಆದ್ದರಿಂದ ನೌಕರರು ಅಧಿಕೃತ ಪ್ರಕಟಣೆಯ ನಿರೀಕ್ಷೆಯಲ್ಲಿ ಇರುವುದು ಉತ್ತಮ.
Founder and Editor-in-Chief of mahitimane.com, a credible news portal. He has over 20 years of rich experience in the print media and has worked as a reporter, sub-editor, and editor. In line with the changing landscape of journalism, he has recently been actively engaged in the digital media space, focusing on delivering accurate and trustworthy news to readers.